هشام الجخ - سري جداً إلى البحر by Algakh published on 2013-09-14T08:06:25Z و بقولّه يا بحر ليه الموج فى عز الهوج ما بيخلصش و الملح سد وِدانك و دانك لجل ما تخلصش يا بحر كام ألف بِت زَغزَغت رِجليها و رَفعت عنها الحجاب و لزقت فستانها بالعاني على ضهرها و جرحت رِجل الواد اللي جري في ضهرها و عملت ملحك دوا و اللي جراحه هوى مالهوش طبيب غيرك طب ليه بِتبخل عليا مع إِن نــانــا صبيّة زَغزَغت رِجليها و رَفعت عنها الحجاب و لزقت فستانها بالعاني على ضهرها و دبحتني في مهرها و دفعتلك راضي خليتلي حبي قضيّة وعملتلي قاضي وكويت بِملحك جرحي كِيف الدّبح من ميتى يا بحر الجراح بتطيب بِحبة ملح و أنا أَصلي واخد ع الـوجع و أمَّا الجِـراح بِتصيـب جَدع بيصِير وجعها بــــ مِيت وجع تعرف يا بحر الـ ميت وجع وجع اللي حَبّيتها وسابِتني وجع اللى بعنيها سَبِتني وجع اللي عملِت مني رمل في قعر جوفك رسَّبتني و تسعميت مليون وجع للذكريات أصل المحبة يا بحر مش فترة وتعدّي دي عمر شايِل صوت هزاري و غلب جدّي فكر طايِح يوم يِجيب و شهور يِودِّي و تسعميت مليون وجع عدد المحارة و الودع عدد الكلام مِن بين شفايِفها الجمال عدد الشَماسي والكراسي والبنات عدد الرمال عدد المطر يا أبو قلب أقسى مِن الحجر كل اللي فاكرينك بتجمع للحبايِب شملهم عالم بقر ما أنا جبتهالك .. مش جبتهالك شَهِّد الشمس اللي لسه سمارها فوق ضهري تقولك إِنّي يا بحر ائتمنتك.. جبتهالك ولّا ليه شهد رِمالك علّي صوتك سمع الرمل اللي مدبوح من قساوتك و اندهه و إِن كان يِجاوِب اسأله فين قصور الواد داهه هيقولولك ما إنت يا بحر اللي هديتها وسويتها بِباقي الشط هيقولولك هو هو الموج يا بحر زي ما جمع حبايِب زي ما كسر قصور بس النوبة دي يا بحر موجك القاسي كسرني هو أنا ناقص كسور لو تعرينى يا بحر تلقى جوايا بنات مالها عدد ولا اتكسرتش زي ما تقول جسمي نحس من الحريم وبقيت وتـد بس النوبة دي ما انتصرتش بعترفلك يا هوى البحر إِني مغلوب النوبة دي بس خليك واعي دايمًا وافتكر مين اللي بادي ومن الليلادي لا إِنتَ صاحبي ولا أعرِفَك إِياك تشوفني بِبِنت حلوة وتطلب إِني أعرفك صبرك عليا و هـ اكشفك و هــ جرِّسك و هـ جرِفك و هـ جوِفك و هـ كَتفك كيِف الذليل من الليلادي سماك يا بحر هتبقى ليل مِن الليلادى هـ أطفي شمسك و أطمس الدنيا ونهارها نـانـا مـاتت بس فاضل لسة نارها و العزا عالق ما بِيني و بِينك إنت والله ما هقبل عزاك قبل ماخد بإيدي تارهـا Genre هشام الجخ Comment by Àhméd Él Sáyéd عاااااش 2022-12-23T23:51:32Z Comment by أُم ليّلى . ❤️ 2022-11-05T14:05:42Z Comment by Møhãmèd Ěľ Čâpø عاش يا نجم 2022-06-14T20:04:18Z Comment by Abdelrahman Mahmoud 😍😍 2022-06-05T13:54:12Z Comment by عبد اللطيف كلامك جميل جدا 2022-05-27T23:37:30Z Comment by aBo_eleRaQi وجرحت رجل الواد اللي مشي ف ضهرها 💔 2022-05-21T22:03:59Z Comment by عبدالله ابو رشاد 💔💔💔💔💔💔💔💔 2022-03-28T05:38:59Z Comment by Aliaa Hussein Abd Elstar Favourite ❤️✨ 2022-03-28T03:58:44Z Comment by Leito هو انا ناقص جسووور 2021-10-20T17:36:33Z Comment by Marco Gergess 💕💕💕💕💕 2021-09-23T19:20:28Z Comment by Berry الله عليك .. بس بحب البحر بردو 💙 2021-07-16T14:58:23Z Comment by هربانة منها يا بحر الهوا 2021-02-28T22:40:09Z Comment by Mohamed AlAbyad يا بحر 2021-02-27T08:11:52Z Comment by Youssef Mahros يابحر🌊 2021-02-19T19:54:32Z Comment by شرين الكاشف يسلم لسانك 2021-01-08T14:06:46Z Comment by Yasmeen Ramadan 💔💔💔💔💔💔💔💔💔💔 2020-12-15T16:09:11Z Comment by nour manaa 💔💔💔💔💔 2020-11-15T21:35:19Z Comment by Mohamed Khairy رسسسسسبتنى 2020-11-10T22:32:45Z Comment by Abdelqader khalil عدد الكلام من بين شفايفها الجمال 😔💔 2020-11-03T20:14:20Z Comment by waleed yosry بس النوبه دى موجك يا بحر كسرنى 2020-10-11T20:40:27Z Comment by Taha Said 💜 2020-10-09T17:25:27Z Comment by Mahmoud Abdel Razek الهويس أحسنت 2020-10-09T06:33:50Z Comment by Mahmoud Abdel Razek سمع الرمل اللي مدبوح من قسوتك 2020-10-09T06:33:17Z Comment by Mohmed Aldel ♥️♥️ 2020-09-04T02:00:45Z Comment by Bondy Azzat بحبك يا جخ 2020-08-31T01:56:26Z Comment by FoF Naf 💔💔💔😔 2020-08-30T09:53:16Z Comment by Âhmèd Âbø Yêãsêñ 🦁🦁 2020-08-23T22:50:10Z Comment by Hassan Giga 😔😔😔 2020-08-13T23:55:51Z Comment by ali eisa كسم بلحه 2020-08-04T21:08:44Z Comment by Ahmed Arafat 😢😢😢😢😢😢 2020-08-01T21:44:19Z