نوستالجيا by Ali Mohsen 2 published on 2015-02-02T20:49:21Z #نوستالجيا أنا لسا فاكر بوجي وطمطم وعمو فؤاد والفوازير والمسلسلات ورمضان بلمة العيلة والصحاب كنت بنام من تعبي حاضن الكتاب مش حب ف المذاكره بالعكس أنا كنت بكره أستني حلقة بكره إتفرج عاللي فاتني إللي مجاش انهردا ون فاتني حلقة واحدة كان بيجيلي أكتئاب كابتن ماجد .. كان بيشوط الشوطة ف حلقة ويمكن أكتر كنت معاه أنا بقعد أفكر أنه أزاي هايجيب الجون كنت بجمع ف البوكيمون وأكره أوي جدا كرعون كنت أستني يوماتي مازنجر لو ماجد أتصاب ف الماتش كنت بعيط انا ومانمش وأزعل لو طول حبة وأدعيلة يخف بسرعة وأستني يلم اللمة ويسدد 100 تسديدة ملهوف علي شوطة جديدة أو حتي يادوب تمريرة الذكري ف قلبي كبيرة واخدة حيز أكبر من حيز وقتنا هذا أنا بسئل نفسي كتير أزاي ؟؟ ليه ؟؟ ولماذا انا لسا فاكر بنك الحظ .. السلم والتعبان والليدو واسماعيل ياسين ف دور ابن حميدو واللعب بالكورة الشراب والجري مع حبه صحاب طلعت بيهم من أبتدائي من فصل 1/2 أنا لسا فاكرهم بالأسم أحمد .. محسن .. هيثم .. هاني أنا لسا فاكر ضحكتنا جوة العزا وهروبنا من المدرسه والسقعه جوة الفصل أنا لسا فاكر ضحتك جدا وصوتك لما يغني ويدندن وفرحتك لما الفجر بيأذن علشان بنسهر سوا أنا لسا فاكر حاجات كتير ياما منستش ولا حاجه أول طبق كشري والمشي ع الكورنيش ولما أكون حشري ف وقفة طابور العيش والضحك والتهريج مع دفعتي ف الجيش مع أني بنسي حاجات كتيره ف حاجات لايمكن تتنسي وحاجات كتيره أنا نفسي أقولها بس لا يمكن تتحكي أول هروب م الكمسري وشعلقتنا ع السبنسا والواد سعيد السكري كنا عيال ولاد أبلسه أول معاكسه وقت الخروج م المدرسة كنا تلامذه ف الكلام وف المعاكسة أستاذه طب وهندسه Genre Artist Comment by Mo'men Mustafa ♥️♥️♥️ 2023-12-30T21:07:46Z Comment by Mouaz Yusuf Elshirpeny الله يوفقك يا فنان 2015-02-02T22:56:27Z