القمر المسحور لجاد حبيقة - أغنية لعيد الأم by AlternativeArabicMusic published on 2021-03-21T17:26:37Z كلمات وألحان وغناء جاد حبيقة قمر مسحور كنتِ تقوليلي قمر، وانا فكّر عَ جمالي مرق عليّي السفر، وفهمت إنتِ خيالي. وإني حولك عّم دور، ما تاري إنتِ الأرض وأنا القمر المسحور يا امي، بعدني مخبّى بفستانك الحرير وبعدا أساورك خشخيشتي كل ما قلقت عسرير يا امي، إيديك المن حرير عم بتخلّص شعري اللي طار من بكير. وبعدني غافي بحرجك ولد زغير من الهوا بيغار لو حدِّك صار يطير وإنت تقوليلي قمر وانا فكّر عَ جمالي مرق عليّي السفر، وفهمت إنتِ خيالي. يا امي، بعرف مش قليل الفرق اللي بيني وبينك مدري من كم جيل يا امي، وعنَّا الوطن كفيل يبعِّد بين بوابنا مسافة ميِّة ميل بس رغم البعد رغم العمر والوقت الكفيل مصفَّر عداد المسافة إيه والله الكفيل وإنتِ تقوليلي قمر، وانا فكّر عَ جمالي مرق عليّي السفر، وفهمت إنتِ خيالي. Genre Classical