BeBASH | مصدوم | (Official Audio) by B e B A S H published on 2020-06-03T16:57:30Z #مصدوم Written by: BeBASH Engineering & Mixed by: Moataz Elabedy Production by: Anabolic beatz DEEP studios - xXx records للمتابعه على صفحات ألتواصل ألاجتماعي : Facebook : https://www.facebook.com/MC.BeBASH Instagram : https://www.instagram.com/basheerbrigdo الكلمات : (Chorus 1) مصدوم ... خاب الظن ف بحور الدم بلادي تعوم.. قداش (قلمي كتب من هم) بيحكي اليوم.. .. قداش من نار كلت صغار تعبّو هموم.. كل يوم مصدوم... مصدوم ... خاب الظن ف بحور الدم بلادي تعوم.. قداش (القلب كتم الهم) بيحكي اليوم.. .. قداش من نار كلت صغار تعبّو هموم.. كل يوم مصدوم... (Verse 1) سبحان الله و كنت نقول الناس تعيش ف غابه.. وصل الدور ف بلادي بدينا صبي ف هالعصابه.. مللي يبيع و يشري الخير تشطب سكر بابه.. و البراني شكون لي جابه س: م ليشي اجابه.. قبل نقولو بلادي احلام الناس يولّو زيك.. دار الوقت وطاحت بيك احمال طرحتي ضيك.. دارو بيك كلاب مصالح ما حسبوش العِشرا.. باعو طول الصالح و لطالح بصمو بالعَشرا.. شعب مخنس خايف لايف شاف العار قدامه.. مظل لظل و شاد مكانه سكت قليل كلامه.. اختار الذل لقاه الحل كتم بلع لسانه.. ماشي في احزانه ماضي وراضي بالأهانه.. راضي بالمكتوب يوخر ديما يخاف العالي.. حاله حال التايه راح ف صحرا الربع الخالي.. يشوف فالخير قدامه سراب تراب عيونه مالي.. حاله مزري بالي جالي ساكت لا يبالي.. عمره ماهو ظامن حلمه ف عيشه سالم غانم.. ربي مع المظلوم وعالم مللي فينا ظالم.. حسبي ربي وحده بصوت يجاوب كل العالم.. ياخد حق الليبي الحالم بالملاذ الأمن.. حلمه يشوف بلاده فوق .. يستنا بشوق الفرحه.. و السعاده يذوق يروق .. يطيب يلايم جرحه.. طامع ف ابسط الحقوق .. غير ف العيشه متهني.. يشوف بلاده تعود امان الحلم اللي متمني... (Chorus 2) مصدوم ... خاب الظن فبحور الدم بلادي تعوم.. قداش (قلمي كتب من هم) بيحكي اليوم.. .. قداش من نار كلت صغار تعبّو هموم.. كل يوم مصدوم... مصدوم ... خاب الظن فبحور الدم بلادي تعوم.. قداش (القلب كتم الهم) بيحكي اليوم.. .. قداش من نار كلت صغار تعبّو هموم.. كل يوم مصدوم... (Verse 2) توجع لما تشوف ليبيه ع المطب محتاره.. ايدها مدت حاجه غريبه تشحت ف الأشاره.. سألت بوراقيها تثبت.. مللي وقف معاها.. اليوم خساره بنت بلادي نار الجوع كواها.. و الا صغار السن اليوم رصاص نحاس كلاهم.. ماتت فينا الرحمه العيشه نكد ظلام بلاهم.. و الا دمعة راجل نزلت دم فقد ولاده... شباب ف عمر الورده يموتو ولت فينا عاده.. هلبا سنين ف نفس الدوره ندورو بعض كرهنا.. بين حبوس وجبانات نزورو شباب قبرنا.. ساد لي فينا خلاص تعبنا شبنا و هلبا صبرنا.. ع الشر اللي كامن فينا يا ربي تنصرنا.. نبدو بسم الله افتحلي صفحه جديدا بيضاء.. ليبيا الهيبه بلاد العز م تموتش غير مريضه.. كلنا خوت ف مجتمع محافظ ع الفريضه.. تهدا نفوس الناس تولي نقيمو الرايه البيضاء.. عيشه صح و ننسو الفايت .. غلطه منها نولّو.. و اللي عنده حق مش فايت .. قدر الليبي نعلّو.. و اللي باطل ربي حسيبه .. ندعو لما نصلّو.. قداش حبال ربطنا و اليوم م لقينا م نحلّو.. حق تسجل ضد مجهول م يضيعش جيبو الجاني.. حق الليبي هلبا سنين لي راحو راهو يعاني.. حق تهجير النازحين لي ضاعو بين سواني.. يحسب بالثواني يرجع ل ايامه الخوالي.. (Chorus 3) مصدوم ... خاب الظن فبحور الدم بلادي تعوم.. قداش قلمي كتب من هم بيحكي اليوم.. .. قداش م نار كلت صغار تعبو هموووم.. كل يوم مصدوم... مصدوووووم ... خاب الظن فبحور الدم بلادي تعوم.. قداش القلب كتم الهم بيحكي اليوم.. .. قداش م نار كلت صغار تعبو هموم.. كل يوم مصدوم... Genre Hip-hop & Rap