لو بس تبقيلي! .. كلمات وإلقاء: هاجر عبدالمنعم ،هندسة صوتية: محمد تيكو by hager_abdelmonem published on 2018-03-07T16:29:14Z لساني بستغرب .. كل إما الاقي اتنين متسندين على بعض بيخطوا كل طريق بيلاشي بينهم حزن.. بيضحوا بالموجود علشان يجود بالجاي .. بيحطوا عبرة لحي .. قرر يغيب قلبه او يقفله علشان بيخاف لـ يتكَّسَر .. وأنا كوني أصله إزاز أول ما يتأثر .. بيغيب عشان مايقعش ووقعت يا كوني .. فيه طفل مش لوني بيحب فيا ونفسه ماتركهوش ! وافتحله بيت أبيض بيطل على قلبي وزرعته الخضرا .. بيطل على صفحي مع إنه فيه القدرة .. "الخُضرا يا خَضرا ان انتِ تعفيني وقسوتك حاضرة ! أو تفتحيلي طريق ماتحطلوش آخر وتقولي سَنِّدني ما تقولي يتاخِر .. وتقولي قويني واوعاك ترَّسيني على بر كله رصاص ! أنا كوني فيه إخلاص لو بس تبقيله .. أو بس تديله من بين جنانك وَرد.. أو وِرد من حبك .. أو ضحكك اللولي وتزيدي وتقولي "إن اللي جاي لينا" أنا يعني مش كامل أنا طفل جي آمل في قبلتين عالخد .. أو وردة لو تتمد .. من إيدك الدافية والله مش عافية إن انتِ تبقيلي أو تبقي ع الأعذار أو تبقى حد إن ثار ع الدنيا فـ عشاني أو تبقي أم وبيت أو حتى حضن وحيط .. أشكيله يسمعني إن كنت مش مَعني بالذكر من كونك طب مين بقا لونك ..؟ أو يستحق الذِكر كان اختلاف الفِكر من بعض أسبابك بتسدِّي بيه بابك .. وتشدي بيه طَرفِك .. ماعرفش إيه ظرفك .. أو يعني – بتجاهله - علشان تحبيني .. فتقولِي: "على عيني يا حبيبي حُب هواك! أنا شفت كل ما كان ودا شيء مالُهش مكان في الحب غير طعنَة" طب حد يسمعنا ويقولك اتغيَّر فتردي:"" إن الحب مش سكة تتخير ! مش سكة يدخلها كل اللي ماتطمنش ولا سكة يرجعها كل اللي خد طعنة ! الحب دا لعنة .. لو سابنا نتجرَّح أو حتى بنصرح مشاعرنا ع المكشوف وإن حد حس الخوف فـ القصة منهية ! وهتبقى مش ليا "" لو يعني مش ليكي وانا بيكي بتطمن .. مين بس هيأمن دعواتي في الدنيا ؟ مين بس هيساعني إن شالله كام ثانية ؟! مين بس هيكفي كلمات في تكوينها ملهاش سوى روحك ! ملهاش سوى سيرتك .. معرفش ليه حيرتك خلت ما بينا فروق ؟! ما الكل بيقولِّي يا حبيبي سيبها تروق ولكّنِي مش قادر .. علشان بخاف مثلاً .. يسبقني حد معاه مفتاح بيبان قلبك واللهِ هتغير وهخبي ما قالبك .. وهخبي كل السوء .. فتبصي برضو لفوق .. وتعاندي وتقولي ..: " يارب من عندك ما تخلي قلبي يقول على نعمتَك .. زولي " للدرجة كارهاني .. وبتبعدي عني ! وبتقفلي السكة لو حتى بمحاولة .. وتقولى "م الأولى ننهي اللي كان جاري" لو يعني كان داري بيعز دار دارك .. ويصونه دون أخطاء ويهَبلُه كل عطاء .. ويكَّفي وزيادة .. هتملي كالعادة ؟! .. ولا هكون داري بكمالي في عنيكي .. دي الدنيا في إيديكي بتحب تتشكل وتحب تتجمل .. وتحب تبقالك .. زي اللي كان واعي بطبته في حبك .. ولكنه بالصدفة .. معملش في حسابه مدى غيبته عن بالك :)) كلمات وإلقاء: الشاعرة هاجر عبدالمنعم هندسة صوتية: محمد تيكو أغنية كل دا كان ليه : بصوت ولاء الجندي أغنية أهو دا اللي صار بصوت شيرين عبده #شعر <3 Comment by fotoon اسم المزيكا اي 2020-04-06T18:53:43Z Comment by Abd Ullah 😍😍 2020-01-07T06:45:22Z Comment by Sayed Elshmiy ربنا يحميكي يا رب عندك حاجه علي اليوتيوب 2019-10-09T15:11:09Z Comment by warda sayed👑🙈 مشاء الله 🌹 2019-09-21T14:18:15Z Comment by Mohamed Teco هااااجررر 2019-07-27T16:54:23Z Comment by مُحَمَّد ❤❤❤ ابداع اللهم بارك 2019-07-12T14:22:50Z Comment by Mostafa Hamdy Elgafarawy جميلة ♥️♥️🌻 2019-05-25T06:47:20Z Comment by abdelfattaheljaml مينفعش تتسمع مره واحده 2019-04-05T17:31:24Z Comment by Ibrahim Nasef ❤️❤️❤️❤️❤️❤️ 2019-03-16T06:20:03Z Comment by Mazen rabie جميلة جدا 2019-03-14T13:15:38Z Comment by diaa انا بسمعها كتير جدا.هيا كلمات حضرتك ؟؟ 2019-02-23T23:27:59Z Comment by diaa ان شالله كام ثانيه ...حلوه قوى 2018-12-30T21:07:18Z Comment by Asmaa Ahmed 💜💜 2018-08-25T15:00:21Z Comment by diaa مش ممكن تحفه الكلام 2018-03-11T00:11:13Z Comment by esraayehia 😍😍😍 2018-03-08T09:12:37Z