المولوية | مصطفى إبراهيم by Karim Shahien published on 2013-02-21T05:25:01Z أنا لزق اتشال خمسين مرة من فوق خمسين نوتة وكشكول وإتساب في الهوا عريان برة ف نشف .. مبقاش يلزق على طول - هو انت تطول ؟ قاللي الدرويش مش عايز أطول .. أنا عايز أعيش -إنتا اللي فهمت الزهد بلاء إزاي هزهد في حاجات معييش ؟ -ياحمار دي فضيلة الاستغناء وانا كنت استغنيت بمزاجي ؟ أنا اسمي يئست ومستغنتش إيه الزهد ف إني أمّا آجي أشتري مابَجبيبش عشان ملقتش ؟ فيه فرق مابين صبر العاجز علشان مبقاش حاجة في إيده وبين واحد أصلاً مش عايز غير زي ما بس يعوز سيده صدّقني أنا زاهد بالصدفة .. أو من غير قصد أنا طاير آه .. لكن علشان مش لاقي الأرض صدقني أنا كان نفسي أتعلّق .. في حاجات ياما وأعيش إحساس إن أنا فعلاً من غيرها هموت أنا عارف اعيش من غير ما احتاج إني أقرا الوقت من غير ولا واحد .. م اللي أنا أعرفهم دلوقت أنا أعرف اعيش من غير اسمي أو سنتوف برّة حدود جسمي ومن غير السلسلة والمفاتيح ومن غير ولا واحد من أهلي ومن غير سارة ومن غير البنت اللي أنا نفسي أجيب منها ولاد ومن غير فيزا البنك الأهلي وهشوف من غير النضّارة عايز هَوا بس .. وميّة .. وزاد كل يومين .. بَكْبَر وارمي حاجات واكتشف إن أنا كان ممكن أعيش من غيرهم أصلاً م الأول معرفش بقى اليأس اتحوّل وقلب على زُهد .. ولا ده جين صوفي من الأول مش محتاج جهد ؟ علّيت صوتي وقلتله ماترد الدرويش أصلاً مش موجود الجامع فاضي ومِتغيّر فيه عيل شبهي ونا صغير شايل بلطة وبيهد عمود مش عارف احرّك رجليّا ةمش عارف أصرّخله يبطل صوت دف بيعلى وبيقرب دقات ورا بعض وعمود الجامع بيشقق وبيعمل أصوات زي الرعد العيل بيسرّع أكتر زي المسعور أكتر أكتر أكتر أكتر في نور ضارب في عنيّا وألوان بتدور كل اللي أعرفهم حواليّا السقف خلاص كله بيتهد فجأة مفيش في الجامع ولا حد وبحسس على وشي كويس وبشوف الدم وببص لفوق السما باينة منورة جداً ومفيش عصافير فيه ناس واقفين شايلين في حاجات ناس غيرهم شايلين بني آدمين فيه ناس منهم شبه العِيلة ومفيش غيري من غير شيلة ف محدش عارف غيري يطير أنا عمّال أترقّى وأطلع السبورة عمالة تضيع على مد الشوف .. أنا شايف بيت و بتمتم بكلام مش واضح فيه صوت بيقول (على فين رايح ؟) ف بشاور .. ف يقوللي (لوحدك ؟) ف أضحك وأشاور حواليّا لولا إني لوحدي .. ماكنتش جيت Comment by Hima_ib الدرويش اصلا مش موجود 2024-01-31T16:18:49Z Comment by Zaynab. أنت اللِّي فهمت الزهد بلاء. 2023-07-30T09:59:25Z Comment by Zaynab. مش عايز اطول؛ أنا عايز أعيش. 2023-07-30T09:58:58Z Comment by Ahmed Rshad من غير سارة 2023-04-18T22:48:26Z Comment by Ahmed Rshad ازاي هزهد في في حاجات معييش 2023-03-19T16:53:19Z Comment by فاطمة الله 2023-01-02T09:01:52Z Comment by فاطمة يعيني 2023-01-02T09:01:23Z Comment by فاطمة مش عايز اطول نا عايز اعيش 2023-01-02T09:00:49Z Comment by GIRGIS مش لاقي الارض 2022-11-18T03:51:05Z Comment by سُ Personally attacked 2022-10-09T14:31:01Z Comment by Dina Mohamed انا زاهد بالصدفة 2022-09-08T10:55:05Z Comment by User 167125225 عظيمه 2022-05-31T18:53:12Z Comment by Mayada Essam انا طاير اه لكن علشان مش لاقي الارض 🥀 2022-05-31T07:13:03Z Comment by The Nour ما ترد؟ 2022-05-20T18:55:41Z Comment by ramiadel لولا اني لوحدي مكنتش جيت 2022-04-18T19:53:19Z Comment by ramiadel علي فين رايح 2021-12-21T21:59:05Z Comment by ُ بالصدفة أو من غير قصد 2021-09-14T04:30:57Z Comment by Hima_ib 🙁😑 2021-09-12T00:07:24Z Comment by Mayar salah اي الجمال دا !!❤ 2021-08-16T17:54:13Z Comment by ahmed زاهد بالصدفة 💙💙 2020-11-21T19:15:39Z Comment by ahmed انا اسمي يأست ومستغنتش 💙 2020-11-21T19:13:11Z Comment by mohamed abdelmoaty لولا اني لوحدي مكنتش جيت 2020-11-19T13:18:38Z Comment by mohamed abdelmoaty من غير ساره 😞 2020-10-11T23:33:56Z Comment by mohamed abdelmoaty من غير ساره 2020-10-11T23:32:43Z Comment by Aya Eladly صدقنى انا زاهد بالصدفة او من غير قصد :")) 2020-10-11T01:20:17Z Comment by Dina Hamdy وأنا كنت استغنيت بمزاجي؟ 2020-08-20T00:12:07Z Comment by Kamer Naseem ايه الزهد في اني كل ما اجي اشتري ما بجبش عشان ملقتش 2020-07-27T18:25:50Z Comment by مريم هاشم إيه الزهد في إني كل ما آجي اشتري ما بجبش عشان ملقتش! 2019-05-04T16:21:13Z Comment by Amr_Khaled ما أقدرش أعيش من غير سارة.. 2018-09-10T11:34:47Z Comment by Esraa Farouk 1 شابوووو لكل حرف 2018-02-09T09:02:57Z