اسكندرية ليه - Eskendria Leh by Ldex - الدكس published on 2015-04-01T23:48:28Z Youtube: https://www.youtube.com/watch?v=ipKXJn9LZgg من يوم ما خرجت منها فى حاجة ناقصة مش لاقيها .. يمكن منطقتى و اهلى , الصحبة ولاد الجيهة يمكن سلام الناس فى كل حتة تعدى منها .. يمكن حركات بسيطة احنا بس اللى عارفنه الغربة صعبة ايوة وعنها بتكون اصعب .. لو روحت اخر الدنيا هفضل ليها اشتاق و اقرب نسمة صيف ترد الروح من بحرى للفيكتوريا ..اكلة سمك مشكل, مع جمبرى وكبوريا فى الشتا البحر يحلى مع اللمة و صوت منير .. احساس جميل, لو وصفته , هقول كتير عالقهوة تطلب زردة تلعب كوتشينا و طولة .. صحيح نسيت اقولك فى الدومينو احنا عتولة ارض الراب , عاصمة الفن و الثقافة .. اسكندرانى, يتسم دمه بالخفافة تطلع ايوووه , فى وسط كلامنا بتلقائية..اهلا و سهلا بيكو فى بلدنا اسكندرية اسكندرية .. ماريا و ترابها زعفران اسكندرية .. أعظم مكان شافه إنسان x2 وسط البلد احب اروحها بالترام .. درة مشوى عالكورنيش فكرنى بايام زمان التجارية و الوطنية اطلع بينا عالمنشية .. ولا تحب نروح المدهش ناكل كشرى بالتقلية تياترو شارع فؤاد ,مسرح السيد درويش .. ناكل فى محمد احمد علشان يبقى بنا عيش نجيب جلاتى , نقعد ناكله عالصريف .. ولا نطلع عالفلاح ناخد كبدة فى نص رغيف كوم الدكة , محرم بيه و المناطق الشعبية ..ليها معزة جوة قلبى سابت حاجة حلوة فيا مساكن الضباط ولا سموحة التعاونيات .. هناك القعدة تحلى نضحك و نقول افهات مكة بعد صلاة الجمعة تشرب عنده احلى صوبيا .. اسكندرية جنة تقدر تقول يوتوبيا اجدع ناس تلاقيهم فين؟ اكيد فى اسكندرية ..اتفضل اشرب شاى مش عزومة مراكبية اسكندرية .. ماريا و ترابها زعفران اسكندرية .. أعظم مكان شافه إنسان x2 اسكندرية فنار , ريادة فى المعمار فيها روح ملهاش مثيل لو لفيت 7 بحار طب شوفت الصيادين و قصر راس التين عايز تتفرج اكتر ناخدوك العطارين شلاه يابو العباس مالزنقة نجيب قماش المغنة فيها يحلى له طعم ميتنساش القائد ابراهيم كنيسة القديسين فانوس فى نص شارعنا , يفطت رمضان كريم نتسحر عند جاد ولا فى البان سويسرا .. نتمشى فى الفجرية بينا و بين شوارعها عشرة الصيد من كبرى استانلى و الحبيبة عالجنبين .. يا اسكندرية ردى الاقى زيك فين على اى جنب ياسطة نزلنى النفق الجاى .. سوق بينا عالكورنيش بلدنا ملهاش زى حدوتة مصرية حلوة للى حاضر و اللى غايب .. أمانة عليك يا بحر سلملى عالحبايب اسكندرية .. ماريا و ترابها زعفران اسكندرية .. أعظم مكان شافه إنسان x2 Genre rap Comment by Ķàŕéàm Káwétsha كوم الدكه 2019-06-24T20:52:29Z Comment by Karim Gabr WTFFFFFFFFFFFFFFFFF 3aaaaaaaaaaaash :D :D :D 2015-04-10T16:51:55Z Comment by M.H ⓮ (✔) El Dex 3al Track ! ;) 2015-04-08T01:30:00Z Comment by Abdulrhman eissa Nic one ya modaseer 2015-04-06T11:56:07Z Comment by Ahmed Abdel Motaleb - أحمد عبد المطلب Nice work guys 2015-04-05T00:25:14Z Comment by Marshallović عاااااااش يا ابن الجيهه 2015-04-04T21:12:50Z Comment by Youssef Emad 3 Talented neek bruv 2015-04-03T16:20:17Z Comment by Memo Rpg 3aaaaaaaash Dex :) 2015-04-02T17:14:14Z