تمرد\Tamard by Psychedelic published on 2015-12-20T23:18:18Z نازل عالبيت لأحكي اذا مش عاجبك لا تسمع.. بشرب وطن لأسكر فكل كلمة بتطلع تلدع.. بخلع قناعي خليك تشوف وجهي التاني.. انقص لساني وأنا صغير لهيك طالع فالت لساني.. اعمل حالك سامع هز راسك بلا ما تفهم.. اطلع عحلم غيرك و اذا صحيت انكسر السلم.. ارض بتطلع دهب حولتها آلة للبطالة.. آلة لطبع للعملة صرت للاموال غسالة.. عندي خمس أصابع التالت منهم بناسبك.. جرب احكي حرية بيجي أمن الوطن ليحاسبك.. خليك ادلي بتصريحات ولما تخلص نزل مي.. كلام عورقة مبلولة رصاصي برجعك حي.. ابن بلدي بتمص بدمي شامم ريحة تمك دم.. عايش بهم شعبي ومن راسي عم يطلع سم.. بلاد مسلوبة نظام فاشي فنظامي عم بعلق.. مش عارف هو نظامي قدم ولا نظام البلد مبلع.. تمرد اطلع برا جدران العلبة فكر بمنطقية شوي خلينا نفهم هاللعبة عاملين حالنا زلام بكلمتين بنصير بالجعبة تاركين هالبلد بنحكي البلد صارت خربة فش حاجة لهويتي أنا الشاعر ابن الشارع.. شارع لقوانيني متمرد عقانون البلد الخالع.. ابن ارض صايم عنها وعن كل يوم بطلع كفارة.. مش عارف ليش حاسس الحكومة زي ملجأ للدعارة.. بحكيها بوجه الحكومة وبصرخ عدوار المنارة.. للاصنام الي بتحكم وحابسين الشعب جوا مغارة.. جسمك بجوز ناضج بس عقلك لساتو بيحتلم.. راسي للرصاص مرمى بس سلاحك مني مرتجف.. عم بحلم بجيل يحكي كلمة ثورة بالفطرة.. حلمي معلق بنجمة بس نازلك منها بكرا.. واذا بتحاول تسكر تمي بفتح سحابي التحتاني.. وبطلعلك زي كابوس فصعب انك تنساني.. لما تحبس حريتي احكيلي شو احكي ممكن؟! انا فاهم عليك شو بتحكي بس حاسس صوتك بمحن.. حتى الارض عطشت مني بس اتاكد اني صامد.. ماشي من الارض للسما لانو صوت الحق خالد.. تمرد اطلع برا جدران العلبة.. فكر بمنطقية شوي خلينا نفهم هاللعبة.. عاملين حالنا زلام بكلمتين بنصير بالجعبة.. تاركين هالبلد بنحكي البلد صارت خربة،. بحكو عني خاين لانو لساني لاذع.. انا لساني صار زفر لما نضف وسخ الشارع.. بس انا شاعر شوارعي شاعر بجرح اللاجئ.. مشاكس بحكو عني وقلمي حكيو خالع.. ضايع مني وطني طلعنا كل ١٠ بخيمة.. بس انا روحي معلقة ببيتي وتحتو غيمة.. حياتي كلها مرحلة انتقالية ثورة وحرية.. زي الي مقضيها بمركز امني بالقضائية.. نايم عخشبة بسجني والوطن عالباب واقف.. والحارس بعوي كل ما يسمعني بحكي خالف.. وتكاثر لبكتيريا الجهل بنعبد طائفة وتيار.. فبنزف الشهيد برشاش وبنقاوم بالحجار.. مؤسسات عسكرية بس لحماية موكب الحاكم.. انا راجم للنظام العاهر الي سالب حق الحالم.. والوطنية صارت وظيفة زي شعار المرحلة.. بطلع مني حكي كتير وانا راسي تحت المقصلة.. تمرد اطلع برا جدران العلبة.. فكر بمنطقية شوي خلينا نفهم هاللعبة.. عاملين حالنا زلام بكلمتين بنصير بالجعبة.. تاركين هالبلد بنحكي البلد صارت خربة.. Genre https://soundcloud.com/user298103454 Comment by Shams اتمردد⚔️ 2023-08-12T22:21:40Z Comment by Renad K Alabed ما في اشي بنحكى عن هالغنية ولا عن كلامها اشي فاخر <3 2016-08-16T06:55:33Z Comment by 2lzeko | الزيكو اييييي لك ايييي 2016-03-22T21:02:24Z Comment by Abood Abo-el Khader احلاا جعفر 2015-12-26T11:19:27Z Comment by abuja3eedh great job guys ... keep going 2015-12-24T01:20:56Z Comment by Mahdi Obedi روعة يا جعفر 2015-12-22T15:12:45Z Comment by mahmoud abufarha جامد 2015-12-21T20:22:23Z Comment by Nour Tayeh entaaaa wa7sh ... *_^ 2015-12-21T19:45:57Z Comment by Nour Tayeh wlk tmrrrrrrrrrrd 2015-12-21T19:41:49Z