Wise Wolf - معادلات فلسفية by Wise Wolf published on 2014-11-15T18:48:20Z اسلخ لايك للمزيد من الأعمال الموسيقية الحقيرة https://www.facebook.com/TalhaWiseWolf الكلمات: "بحكوا: لما ما نتعلم من أخطاء الماضي التاريخ بعيد نفسه" بعرف اللحن ممل بس انا بحب الجاز وانا ممل أكثر واذا بتسمع الأغنية هاظ إنجاز ما الانجاز هالأيام صار أشبه بالاعجاز برضو كله برجع للتعبير إن جاز لغة المجاز ما بتنفهم كثير في هالأيام عشان توصل الفكرة لازم تضل تصف كلام ممكن يفهموك شوي ناس بس الباقي نيام تنويم مغنطيسي مطبق من قِبل الاعلام لأننا ما بنقرأ كتب ولا بنحب الجريدة والمخ بطل يقدر يستوعب معلومات مفيدة وعيننا ما بتقدر تنظر أي نظرة بعيدة ما التاريخ بعيد نفسه لأن أخطاءنا مش جديدة ولسا متمسكين بأفيون اسمه الأمل الأمل بدون عمل هو الي قادنا للفشل وعمرننا ما خططنا لاشي في مستقبلنا وزبط حتى لرحلة حياتنا اركبنا بالقطار الغلط لازم اللازمة تدخل بس اغنيتي وحر فيها بديش أعمل لازمة واذا مش عاجبك اطفيها حلو نلتزم بالمعايير بس لما تكون مبررة مش نلتزم بالمعايير لمجرد انها مكررة وعلى فكرة هذه الفكرة من الأفكار الأساسية ومن المنطق إني أحمل نظرة تشاؤمية لما اشوف الموهبة بتفقد الأهمية اذا كانت عاجزة عن تحقيق ارباح مادية زمان الرسول حكا الدين المعاملة ليش صارت تتفسر على إنها الدين المجاملة شعوب عايشة حياتها على مبدأ المماطلة وإذا بتسأل حد بقلك أنا ما إلي! ويتذكر صاحبنا المثقف إلي كان يحكي عن هيدغر كينونة وزمان أيش إنت عمين بتتمسخر؟ مفكرني فاهم حرف؟ لا يا عم عقلي أصغر وعشان ما نبعد عنه نسي ثقافته وصار أزعر تركنا الهرمينوطيقيا واعتنقنا الهرطقة مقياس الثقافة صار بالقدرة على الفزلقة بتصير أبو العريف وبتحبك كل المنطقة اذا قدرت توكل عقولنا بالمعلقة مش فاهم اشي مثلي؟ وقاعد براسك بتحُك لو هيجل يرجع بحرق كتبه وبلتهي على الفيس بوك وغيره مثلة من كانت، سارتر وجون لوك على الفاضي ما راح نتصلح لأننا انولدنا ستوك يا جماعة بدي احكي، ما أنا برضو انسان ولا مش مسموح افتح ثم غير عند دكتور الاسنان إلى جاي أحلى؟ لأ إلي جاي أسخم يا عمي مخنا بتسمم إذا بنفكر نتعلم لما ندمر الوطن بأسم مصلحة الحزب والعصفور الي ما بنشزر الي بغرد برا السرب سيبوني من السياسة شوي ومن فن الكذب لسا عنا قصص اكثر بتوجع القلب نوخذ موضوع الشرف على سبيل المثال بالأغلب المعتدي أحد أقرابها من الرجال ابوها، أخوها، إبن العم أو ابن الخال وفتوى قتلها بتطلع من أعور الدجال! الشيخ أبو اللحية الي حرم أخته من الميراث الي بأمر بقتل البنت عشان يحمي التراث بوخذش من الإسلام إلا إيش بده منه الاسلام مش مطعم ولا القرآن منيو Genre Hop Hop Comment by Wise Wolf @aliaa-tarek-785248318: شكراً 2018-07-11T11:28:36Z Comment by Israa M الاعتراف فضيلة 2016-06-28T23:50:24Z Comment by Hanon AS الأمل بدون عمل هو اللي قادنا للغلط ... حبييييييييتهااااا !!!! 2014-12-27T16:31:37Z