وعايزنى أكسبها ؟!! - محمود المليجى و أحمد زكى - من فيلم إسكندرية ليه؟ لـ يوسف شاهين by Halimoz published on 2013-11-04T00:16:48Z إبراهيم : لأ! مش محتاج حد يترافع عنى .. ومتشكر قوى للمحكمة اللى إنتدبتك عشان تكمل الصورة المزيفة للعدل وللقانون .. إتفضل يا أستاذ أنا مش لازمنى محامي .. أنا أعرف أدافع عن نفسي كويس . شكري : خلصت اللى عندك ؟ ، قسمتك بقى إن أنا أترافع عنك .. عجبك مش عجبك حترافع عنك . إبراهيم : الله !، قلتلك مش محتاج محامي ..إتفضل ! .. ياشاويش حنفى!!. شكري : أنت يابنى خايف لأكسب القضية؟ من الناحية دي إتطمن حخسرها .. تسعة وتسعين فالمية حخسرها.. وحيحكموا عليك وحيكون حكم قاسي قوي..وللمرة المليون حيقولوا عليا محامي حمار.. نعمل ايه ! قسمتنا كده.. حمار بيترافع عن حمار . إبراهيم : طب أااا .. لما أنت عارف أنك حتخسرها جاي ليه ؟ شكري : تنفيسه ..تنفيسه ليا ولك .. كلمه حلوه نقولها.. صحافى يلقط مننا لمحه نضيفه.. قاضى تفلت منه كلمة شجاعة .. أهى تنفيسه للكل .. زمن! ..زمن يبرروا فيه إنهم يرموا البمب على دماغ ناس ملهمش دعوة بالحرب خالص وعايزنى أكسبها!؟ .. زمن بتتشوي فيه الناس فالأفران عشان لون جلدها أحمر ولا أصفر ولا عنيها مسبسبه وعايزنى أكسبها!؟ .. زمن بيلموا فيه ولاد الناس سن ستاشر وسبعتاشر سنه ويدفنوهم فالرمل بإسم الحريات الأربعة ! وعايزنى أكسبها!؟.. زمن بيكسبوا فيه خمس تلاف جنية فدقيقة ويغلو على التاني أجرة التروماي وعايزنى أكسبها!؟ .. كل اللى أتمناه أنهم يخففوا عنك الحكم ولو شويه . أبراهيم : ( على وجه علامة التعجب والذهول ) حكمت المحكمة حضورياً على المتهم إبراهيم عبدالعزيز الشرقاوي فالسجن خمسة عشر عاماً مع الشغل والنفاذ >>> سيناريو وحوار : محسن زايد و يوسف شاهين إخراج: يوسف شاهين إنتاج :1979 -------------- Genre سينما Comment by خالد عبد الشكور ولا اروع 2023-01-02T18:03:44Z Comment by Schwibi best scene in history of Egyptian cinema 2022-12-09T16:59:12Z Comment by Alaa Saleh زمن 2022-09-23T02:48:45Z Comment by Alaa Saleh تنفسيه ليا وليك 2022-09-23T02:48:36Z Comment by Alaa Saleh اجمل مشهد 2022-09-23T02:48:13Z Comment by بكر الشاهين زمن 2021-02-02T00:10:01Z Comment by بكر الشاهين اجمل مشهد 2021-02-02T00:09:18Z Comment by Omm Saif ايه الروعة دى..... وكأن الزمن رايح جاى فى شبر ×شبر 2017-08-04T15:26:40Z Comment by user4668922 وعاوزني اكسبها! 2016-01-27T00:57:29Z Comment by mariam seif زمن :/ 2015-06-28T13:46:39Z Comment by fatma mosaad تنفيسة ليا و لك 2015-02-06T11:36:28Z Comment by Hanan Gobran لسه مغليين اجرة الترام فعلاً .. عبقرية! 2015-02-05T14:01:34Z Comment by Eman Emara وعيزنى اكسبها ؟ 2015-01-02T10:17:08Z Comment by Ahmed Goda زمــن :( 2014-11-22T01:51:06Z Comment by ga1a1 تسعة وتسعين في المية هخسرها :( 2014-11-06T21:53:55Z Comment by shedeed حمار بيترافع عن حمار 2013-12-23T17:33:58Z Comment by Attia EL-flah متخفش هخسرها 2013-11-28T18:59:28Z