هشام الجخ - 24 شارع الحجاز by Algakh published on 2013-09-13T09:29:06Z إتدلّعي واتبغدَدِي واتفاخري واتباهي قولي لكل الناس .. ده عشقني والله لِـمِّي العيال حواليا زِفُّـوني ظاظوا عليّا وحَدِّفُوني طوب ما انا اللي سِبْت عنيكي لَفُّوني وانا اللي استاهل كل يوم مركوب فاتدلعي واتبغددي واتفاخري واتباهي آدي ضَحِيَّة كمان فِدا رِمشك الساهي موت الضحايا جَزَايَـا ما انا اللي وَدِّيـتِـك و لْـحَدْ حَدْ ما وَدِّتُـوش ولا حَدْ وَدِّيـتـك و قلعت كل سنيني على خَصْرِك ضَفَّرْت شَعْرِك عشّ جُوَّايا بايَـعْت حُكمِك وابتديت عصرِك ووقَفْت ورا عرشِك ومَسَكْت هـوَّاية موت الضحايا جَزَايَـا وكُلَّها ضحايا مين اللي قال الحب آخره عَمَار الحب آخره نهاية في رحَاية القسوة طاحنة والحجر دوَّار فاتدلعي واتبغددي واتفاخري واتباهي واستنكري من عزتي واستهتري بـجاهي خَلِّيني مضرب مَثَل من بعد هيبة و وزن كُبَّي المرار في العسل واملي الفرح بالحزن يعني انتي أولهم ولا انتي اول همّ ولّا انتي اول سهم إتْسَنْ لي واتسمّ لو تكشفي ضهري تلقي السهام علامات وانا زي زرع ف هوا وَطَّى حِيِـي وعَلا مات موت العلالي شرف بس اسمها موتة مش عدل تبقي ف ترف وانا باطفح الكوتة ما يا إمَّا نَقْسَمْهُم وَخْزَة قصاد وخزة يا إمَّا لا مواخذة توتة يا حدوتة وابقِي اكدبي براحتِك واتدلعي براحتِك طعم الهزيمة جِزَا للي يزور ساحتِك وانا قلبي يا ما غلب.. مش عيب يبات مغلوب اهو برضه فِدْتينا وكَفَّـرنا بيكي ذنوب ولَـحَسْـنا من شَهْدِك وشرِبْـنا من رِيقِك وسْكِرْنا من كاسِك وكَسَرْنا إبريقِك وطْعِمْنَا من حُسْنِك وشْبِعنا بِـبَـريقِك ومْشِينا في طَريقِك ورجِعْنا مَـلْـوِ اليَدّ جَرْحِي قُصَاد جَرْحِك ولا حد ظالم حد ولا انتي فاكرانا رجالة خيبانه نبكي على النسوان ونْسِحّ في بكانا كنتي اسألي نانا اللي اسمها نانا يا دوب زِعِلْنا يومين واهي دنيا لاهْيَانا ما تكدبيش ع الناس.. الناس دي عارفاني قلبي خشب لو غطس بِيْقِب من تاني فماتحرجيش روحِك وتقولي ده عشقني بدال ما صاحباتك يقولك آدي دقني حِبِّي على قَدِّك واحكي على قدك وان جت سيرتنا ف يوم ابقي الزَمِي حَدِّك تتدلعي ماشي .. تتبغددي ماشي وتقولي حبني موت برضه ما يـجراشي بس انتي من جوا فاهمة ان زمنك مات وبقيتي زي اميرة قلبها شحات لِفِّي على صحابي .. سِبِّـيني في غيابي قولي ان عمرك يوم ما وقفتي على بابي لا كَوِيتي قمصاني و لا جِيتِي زُرتيني و لا تعرفي مكاني و لا تعرفي تـجيني واني يا دوب واحد دايب ف دباديبك عامل كما عَيِّل شابط في جلاليبك وانتي يا عيني أُف زهقانة مني خلاص عملتي زار بالدُّف وسُقْتِي كل الناس وانا برضه لازِقلك معلش حظك كدة ربك ورازِقلِـك روحي يا شاطرة هناك انضمي للالبوم انا كل عشرتي بيكي 22 يوم عملتي نفسك حكاية ومحبة فيَّـاضة ومَخَدَّة بَكِّاية وسهر وسُهْد وويل وبكا و غنا و مواويل في 22 ليل على أي حال شكرا وشكرا ثم شكرا للقصيدة قَلَّما تأتيني امرأةٌ بأفكارٍ جديدة Genre هشام الجخ Comment by Mohamed Basyony ولحد حد مودتوش ولا حد..وديتك 2023-10-23T23:08:21Z Comment by LO KA الزعيم 2023-07-27T18:43:36Z Comment by Ahmed Saied خليني مضرب مثل من بعد هيبة و وزن 2023-04-22T09:27:38Z Comment by احمد رزه الديزل سمعت شعر لأجل الجخ 2022-09-17T21:22:27Z Comment by عبد اللطيف عظمه على عظمه ولا الله يا جخ 2022-08-02T15:25:14Z Comment by Noha Adly وانتي ياعيني اف زهقانه مني خلاص 2022-04-16T15:33:40Z Comment by Biso Albrans الله يسعدك يارب 2022-01-22T23:49:50Z Comment by waelmansy1 عملنا للرخيص تمن 2022-01-22T23:49:18Z Comment by Muhammed N. Galal الزمي حدك 2022-01-21T04:33:53Z Comment by Ahmed Sa3d ولا انتي فكرانه رجاله خيبانه !!! 2021-11-24T18:18:04Z Comment by صلة شارع سعيد 2021-10-30T03:55:29Z Comment by Berry مجرم ❤️ 2021-07-16T15:19:52Z Comment by ميدو مشاكل ♥♥♥💯 2021-06-22T19:24:50Z Comment by Nana Gedaaaan 2021-06-14T01:03:20Z Comment by Nana 🌹 2021-06-14T01:02:48Z Comment by Mahmoud Mohamed حبى على قدك ياختى 2021-06-08T21:11:21Z Comment by Áli Èl Śaiy 💓💓💓💓💓💓💓💓 2021-05-15T05:01:23Z Comment by Mohamed Omar وبقيتي ذي اميره قلبها شحات 2021-05-03T01:14:04Z Comment by احمد ابراهيم الجلاد بحبك يا جدع 2021-02-10T18:42:33Z Comment by gamal حرام عليك يا جاحد شلفت البت 2021-01-02T17:01:58Z Comment by Mohamed Rabea وومسكت هواية 2020-12-14T20:17:41Z Comment by منال حافظ يادوب زعلنا يومين واهو دنيا لهيانا 2020-12-09T19:07:40Z Comment by مادو جرحي قصاد جرحك ولا حد ظالم حد 😥😥✋ 2020-09-25T19:39:59Z Comment by MAda جميلة 2020-09-17T09:20:14Z Comment by El Kobtan Kareem ♥️♥️ 2020-09-07T23:28:22Z Comment by Noha Adly 😁 2020-08-08T15:18:36Z Comment by محمد اللول بًسِ آنِتٌيَ مًنِ جّوٌهّ فُآهّمًهّ آنِ زٍمًنِکْ فُآتٌ 2020-07-20T11:25:03Z Comment by مؤمن محمد نبكي ع النسوان ونسح ف بكانا 2020-07-03T06:10:27Z Comment by momin جاحد 2020-06-04T12:02:18Z