هشام الجخ - 3 خرفان by Algakh published on 2013-09-20T04:25:19Z تلات خرفان ودي حكاية وكان يا ما كان ولا يحلالي أي كلام إلا بذكر النبي الهمام عليه الصلاة والسلام تلات خرفان ومعزاية وشجراية وبير بترول وديب فجعان تلات خرفان ما يتاكلوش في يوم واحد ما يتهضموش راح للخروف أتخن خروف قال يا خروف عيال اخوك متنعنعين ومتنغنغين وانت هنا في اسوأ ظروف يادي الكسوف راح الخروف علشان خروف ضرب الخروف الديب حيسكت راح للخروف تالت خروف شفت الخروف ضرب الخروف أحميك انا و ابات معاك في الدار هنا واديني بس انت مكان راح الخروف علشان خروف إدّاه مكان يوماً سنقراُ في الجريدةِ يا بلادي أنّنا كنا خرافْ سيجفُ هذا النفطُ فوقَ جلودِنا ونودّعُ السبعَ السِمانَ ونلتقي ألفاً عِجَافْ سيُدَوِّنَ التاريخُ اسماءَ الملوكِ العادلينَ الصابرينَ الساكتينَ الكاتمينَ الصوتَ بينَ شعوبِهم مثلَ الزرافْ سيحاكمُ التاريخُ حكامَ العروبةِ كلِّها وسينزعُ الاظفارَ منهم في سبيلِ الاعترافْ إني احبك يا بلادي مرغما واقول شعرا يا بلادي مرغما والشعر إن مسَّ السياسةَ يستحيلُ مصائبا والشعر إن مسَّ الصعيديينَ مثلي يستحيل كحدِّ سيفٍ لا يخافْ انا لا أخافْ من كام سنة بِنْهِشّ بإدينا الفيران ونقول ما نتدَّخلش في امور الجيران من كام سنه راسمين رجولتنا أدب ناقشين إدينا نقش حنة وقلنا سنة ورمينا من إيدنا سلاحنا وقلنا هدنة وبلدنا بِكْر بتُغتصب يِعلاَ صوتها غصب عنها نِتْهِمْهَا بالشَغَب يا بلاد ماليها الاَّ العجب يا ( معرَّمين ) شعر وادب هي الرجولة تتوزن وقت الغضب غير بالغضب هو اللي متَاخد غَصَب مش برضه يتاخَد غصَب يا بلاد ماليها الا العجب يا ( معرمين ) شعر وادب الوزن هو اللي اختلف ولا الميزان اللي اتقلب من كام سنة بنسأل "بهية" مين قتل واحنا اللي قاتلينه بإدينا مدِّينا إيدنا للغريب وف بعض عضِّينا وعَادِينا مين اللي ظالم في الحكاية .. ومين جبان مانلومش ع الديب اللي خان احنا اللي خرفان بالوراثة الصبر وارثينه وراثة والطاعة وارثينها وراثة والحكم وارثينه وراثة وحاجات كتيرة مش وراثة احنا خدناها وراثة انا كل ما اتذكر تحية العلم يسرح خيالي كان صوتي لسه عيالي .. بس عالي كنت احسّ اني بهزّ المدرسة كان العلم من فرحته يرقص على الساري شايله طب كنتو ليه بتعلمونا نحفظ البرّ وجمايله طب كنتو ليه بتعلمونا نكره الظلم وعمايله لمّـا انتو ناويين تسجنونا في ارضنا كان ايه لزوم العلم .. وهمومه .. ورزايله طب كنتو سبتونا بهايم كنا نِمْنَــا مرتاحين ازاي ابيع ارضي وعارف إن جسمي اصله طين طب كنتو علمتونا مثلا إننا من أصل تركي أو أوروبي إن جسمنا أصله حلاوة.. أو مِلَبَّس اشمعنى طين؟ طب ولما الطين يروح ايه اللي فاضل ولمين نغني ونفدِي روح ولمين نناضل ولمين اعود واشتاق واحب واغير واكافح ولمين اغني و اقول ( بحبك يا بلد) والحب طافح لاموا عليَّا الناس عايزيني اقول اشعار في محمد الدرة مش قايل ما انا لما قلت زمان يا بلادي يا ( رحبة ) قالوا ده واد سافل واللي اتلَوِتْ مني واللي اتقمص مني ونزلت عنيهم م الخجل في الأرض وبهدلوني وحَدَّفوني لبعض وقالوا برضك عيب .. القاعة فيها بنات طب يعني وفلسطين مش برضه فيها بنات والله دي فلسطين نسوانها رجالة هما اللي عمَّالة واحنا اللي قوَّالة عندينا تِبْقَى الست وَلَدها طول الباب وتخاف يروح مشوار وهناك حريم من غَضَب شايفين عيالهم دهب وعشان ما يلمع زيادة لازم يدوق النار وتقولوا اقول أشعار هما 3 كلمات نعم .. اكيد .. طبعا وطول ما فيه جُبَنَا فرعون بيتفرعن والشعر اصله جبان اللي يقوله جبان واللي يعيده جبان قولنا بلاش نكتب والحرب اولى بْنا قالوا حرام والنبي خلُّولْنا اولادنا خايفين على ولادهم م الجنة ونعيمها شوفتوش خيابة و همّ الاسم رجالة والاسم عندنا دم دي ام موسى ( المرة ) خافت على ولدها رمته في قلب اليم واحنا ( بنتسولق ) وبنتشوي قرارات تطلع قراراتنا صورة جماعية على صفحة الجُرنان يا ما اشجع الفرسان همست في وِدْني بحبك كان جسمها مفرود والخمرة عامياني وبياض إديها كان بيزعق لما تعدل شعرها الواد بيعرج م الرصاصة اللي في رِجْلُه شدِّت حزام الروب وبانت زي شيء معرفش شعري يوصفه كانوا العساكر قربوا والواد متبت ع الحجارة اللي ف إديه مدّت إديها وقَّفِت كل الساعات صوت الكاسيت نبَّهني اني ف شقتي كانوا العساكر قربوا بيقربوا بيقربوا والواد متَبِّت ع الحجارة اللي ف إديه وَقَعِت قزازة البيرة من إيدي على طرف السرير الواد صرخ في مخبأه فاتلفتت قلقانة خايفة لاتجرح جريت على الصوت العساكر وابتدى صوت الرصاص يملا الجبل دوَّرت عندي في الدولاب على حاجة تنفع لجل تِتْحَزَّم لي بيها ما التقيت غير شال اخويا اللي اتقتل تحت الجبل كان برضه يعرج لما يمشي من الرصاصة اللي في رجله وكان متبت ع الحجارة اللي ف اديه مين اللي خانك يا وطن قلعت حَلَقْها لما عَوَّرني ف رقبتي وحطته جنب السرير نامت على الارض العساكر لجل تسمع دَبِّة الواد اللي لسة مستخبي اتكسف صخر الجبل من وقفته هيَّج رماله ع العساكر سامحيني يا وحدك مقدرش اعيش هارب انعس في حضنك كيف والرملة في الصحرا واقفة وبتحارب أعطوني عاما تقريبا لأجيد اللغة العبرية فالجاري في وطني هذا أخجلني صدقا أن أكتب شعرا باللغة العربية Genre هشام الجخ Comment by Mohamed Zidan 🔊 2024-05-01T12:58:14Z Comment by Mohamed Zidan 🔥 2024-05-01T12:57:40Z Comment by .. مين اللي خانك يا وطن 2022-11-18T08:26:24Z Comment by محمد فرحات كنا خراف 2022-11-03T12:46:10Z Comment by Mostafa Ezzat جخ جخ 2022-08-29T04:02:37Z Comment by Ahmed Hassan انت فنان هما خرفان 2022-05-16T02:48:23Z Comment by itsmwana احبك يا بلادي مرغماً🇪🇬🖤 2022-04-27T05:58:43Z Comment by ابناء محمد المدامودى ومعزيه 2022-02-23T12:03:41Z Comment by astrengr صلي الله عليه وسلم 2022-01-06T02:59:24Z Comment by خالد إبراهيم عليه افضل الصلاه والسلام 2021-12-14T00:06:10Z Comment by محمد الشبح عليه افضل الصلاة والسلام 2021-09-27T20:52:22Z Comment by Habiba Amr نعم اكيد طبعا 2021-09-14T19:13:15Z Comment by Habiba Amr من كام سنه 2021-09-14T19:08:52Z Comment by احمد طارق على شان خروف 2021-08-31T17:58:53Z Comment by احمد طارق جوالل 2021-08-31T17:58:27Z Comment by حجازي حجازي محمد 01112468190 2021-06-29T04:05:18Z Comment by سمو الاميره عليه افضل الصلاة والسلام 2021-05-24T18:01:40Z Comment by Hamada Attia 💎💎💎💎💎💎💎💎💎💎💎💎♥♥♥♥♥♥♥♥♥♥♥♥♥♥♥♥♥♥♥♥♥♥♥♥ 2021-05-24T14:23:58Z Comment by 63 jr63 تسلم 2021-05-14T07:44:17Z Comment by منار السعيد الله عليك 2021-02-28T21:09:15Z Comment by عاطف عبدالله زمن الدياثه 2021-02-22T18:10:13Z Comment by عاطف عبدالله أسف يا رسول الله 💔😥 2021-02-22T18:06:23Z Comment by حمادة الطيار عليه افضل الصلاة والسلام عليك يانبي 2021-01-20T05:20:49Z Comment by صل على النبى محمد عليه افضل الصلاه والسلام الجخ بطل الجخ لو يكمل فى هذا 2021-01-07T12:58:32Z Comment by منال حافظ تحفة 2020-12-09T18:31:08Z Comment by capo ع وضعك يا جخ 2020-11-14T17:51:29Z Comment by محمود جمال ابويوسف عليه الصلاة والسلام 2020-11-12T14:48:05Z Comment by Ha Jer قال ياخروف عيال اخوك 2020-10-10T21:02:22Z Comment by norhan Gomaa افضل الصلاه والسلام عليك يا نبي ❤ 2020-10-10T11:43:19Z Comment by ahmed hossny عمران ده اسم شخص ولا عمران ده صفه البيت 😂 2020-09-06T18:58:40Z