جديد : هشام الجخ - حمزة by Algakh published on 2015-03-05T19:42:06Z وحّد إلهك .. واترمي كنَفه وجنابه .. واشكره .. وامّا تيجي تشكره .. أشكره .. إنه علّم حد فينا يعلّمك .. إزاي بقلبك تذكره .. وتشكره .. وحّد إلهك .. واترمي في كنفه وجنابه .. ما تفارقش ف يوم عَتابه .. واسعى سعيك .. احبي حبيك .. وامشي مشيك .. واجري جريك .. مهما تقلت المعاصي .. اوعى تيأس .. ربنا مش زيّه زيّك .. ربنا بس اللي ما بيقفلش بابه .. فاحتمي ف كنفه وجنابه .. واحفظ السكة اللي ترجع منها ليه .. إن عصيت .. وأكيد حتعصى .. استحي وارجع ناديه .. اللي دخلوا الجنة يا ابني مش ملايكة .. اللي دخلوا الجنة كانوا زي ابوك .. شنقوا من كتر المعاصي .. بس تابوا .. وانت حظك .. ان ربك رحمته سبقت عذابه .. فاترمي ف كنفه وجنابه ….. عينك على امك .. مهما كان حجم انشغالك .. اوعى تكبر وانت مش واخد بالك .. اوعى تعرج .. ولا تتقل ودنها ومتاخدش بالك .. اوعى يلهيك عنها حالك .. عايز امّا اموت .. يفضل لي كف وعين وصوت .. وكتف تتسند عليه متكلفتة .. ونفس يدفي فرشها ف برد الشتا .. وقلب مطمن بإني مشيت وسبتها لك .. فاوعى يلهيك عنها حالك.. طول حياتها .. شيلها في عنيك وف وريدك .. حج بيتها كل يوم .. بيتها ريدك .. في المدافن وانتو جايين حابقى في العين اللي جنبك .. حابقى شايفك .. عايز اشوفك وانت بتنزلها بيدك .. وانت صاين لحمها لحد الممات .. سيبها تتباهى بآخر لمسة منك لما تنزل وسط باقي الأمهات .. حتقول ده ولدي .. صلب ابوه .. جبته للشيلة الأخيرة .. وسبته لاخواته البنات .. أوعى تطلع واد جبان .. اجري خلف الموت يخافك .. موت فدا البلد اللي ربت لك كتافك .. اوعى تنكر خيرها زي الخوانين .. الطماعين اللحاسين الكدابين .. اوعى لينسوك يا ولدي انت مين .. وابن مين .. اوعى ماتفرقش بين العفيانين والورمانين .. اقرا من كتب الشمال .. واقرا من كتب اليمين .. اقرا لصحاب البلاط .. واقرا أدب المسجونين .. شوف حكومات السياط .. واقرا سيرة الراشدين .. أوعى لينسوك يا ولدي .. مصر مين .. أوعى تركن للكلام اللي يوماتي بنسمعه م الرغايين .. مصر خوفو .. مصر خفرع .. الحضارة .. السنين .. لا يا ولدي .. مصر انت .. مصر شغل وناس بتعرق .. مصر جيش من غيره نغرق .. مصر حواليها العِدا متربصين .. اوعى تنضم لعشيرة البياعين .. حتى لو تهموك يا ولدي زي ابوك وقالوا كافر .. قل لهم أنا ديني ربي .. وبعد منه .. مصر دين .. آخر وصية .. لما تكبر حتلاقينا في التاريخ .. باب صغير .. حيداروه .. مكتوب عليه (شباب ثاير) .. مش بعيدة يعلموكم في المدارس وقتها إن اسمها نكسة يناير .. قل لجيلك .. إنها ماكانتش نكسة .. واننا جيل البداية وانتو دوركم جاي لسة .. وافرد كتافك واحكي عن جيلي بفتوة .. عايز الناس لما تسمع نبرتك في الميكروفون يقولوا (هو) .. اللي خلف لسة عايش .. لسة صوته ونبرته فيها الوجع .. لسة واقف ضد ظلم الجبارين .. وقفة جدع .. آخر وصية .. سبت لك ورثك براح .. تسقي كرمه يزيد ويكرم .. سبت لك ستر وجناح .. عقل يفهم .. قلب يرحم .. سبت لك حب الغلابة .. ناس كتيرة .. جيش عرمرم .. وان جم يقايضوك بالفلوس .. ويقعدوك وسط الكبار .. ويسكتوك .. قل لهم أنا زي ابويا .. لا عمره كَلّ فضلة موايد .. ولا عمره رمرم .. سبت لك حب الغلابة .. أغلى من كل الدهب .. واكتر .. وأعظم. Genre هشام الجخ Comment by Hany Salama 🔊 2024-04-18T16:27:11Z Comment by العسكري أحمد مجدي نجم 2023-10-28T23:00:05Z Comment by هلال محمد الله عليك 2023-06-07T14:32:33Z Comment by MoHmmed Fouaed جامدة 2022-12-28T17:57:19Z Comment by Mo_Max@ 💔💔🥺🥺‼️ 2022-12-14T10:49:40Z Comment by Mohamed Bezoo الله عليك 2022-07-17T23:49:37Z Comment by عبده المرسى هشام صوت مصر الاصلى 2022-06-17T15:35:57Z Comment by taher gamal الله عليك 2022-03-21T12:43:28Z Comment by Looka Mohamed ♥ 2022-02-12T00:49:49Z Comment by Mostafa Sultan اااااااااااااااأاااه 2021-12-07T10:35:03Z Comment by حماده حماده حماده حماده حبيبي يا هشام 2021-10-28T02:45:16Z Comment by حماده حماده حماده حماده الله الله عليك 2021-10-28T02:44:14Z Comment by Mohamed Abd El Rhman كنج طول عمرك 2021-10-04T23:51:57Z Comment by Ali Hassan Ali انت دولة جو دولة اللة عاليك 2021-09-10T20:14:31Z Comment by محمد أبو عبدالله ااااااااااااااااااااااااااااه 2021-08-19T20:22:41Z Comment by كريم دياب اسطوره يا هشام 2021-04-03T09:32:31Z Comment by Moh Amed الله عليك 2021-03-20T17:34:32Z Comment by Elmahd HaSan Mahde حبيبي. ياهشام 2021-03-04T03:55:50Z Comment by Ahmed Rady مصر 🤫♥♥ 2021-01-24T14:18:05Z Comment by beko الجخ فاهم اخر نصيحة 2020-12-24T16:07:40Z Comment by shaimaa elbanas اه يا وجع قلبي 2020-12-06T19:16:47Z Comment by عبد العزيز مدين الله و 2020-12-05T20:47:22Z Comment by عبد العزيز مدين الله 2020-12-05T20:46:15Z Comment by hany حبيبي يا حمزه 2020-11-11T17:35:14Z Comment by Emad Faragla الجخ: البرنس 2020-09-19T01:57:49Z Comment by Âhmèd Âbø Yêãsêñ اصحااا 2020-08-23T22:51:06Z Comment by خليل احمد 😢😢😢 2020-08-08T10:25:41Z Comment by ٠١٠١٠١٢٢٤٩٨ ربنا ما يحرمني منها 2020-07-15T16:17:32Z Comment by انا حبيتك بجد 😗 2020-06-12T00:25:28Z Comment by Hamada Emad الله ❤️ 2020-04-13T20:27:32Z