هشام الجخ - جحا by Algakh published on 2013-09-20T03:47:00Z شعور سخيف إنك تحس بإن وطنك شيء ضعيف صوتك ضعيف رأيك ضعيف إنك تبيع قلبك وجسمك وإنك تبيع قلمك وإسمك ما يجيبوش حق الرغيف سألوا جحا عن سر ضحكه قالك أصل اتنين وشبكو اللى كان من تحت ميت واللى كان من فوق كفيف دا شعور سخيف وشعور سخيف إنك تكون رمز الشحاتة تبنى مبنى للشحاتة تعمل وزراة للشحاتة يا ساقية دورى عدى فوقى ودوسى نصبوا عليا وشحتونى فلوسى ربطونى فيكى .. حتى ما اتغميت هما اللى فرحوا ووحدى أنا اتغميت أنا اللى صاحب البيت عايش بدون لازمة ولما مرة شكيت إدونى بالجزمة مش لاقى تطفح اديك هاتولنا و جيبولنا و ادونا ودونا هنجيب منين نديك طافح يا بلدى غدايا و لوعتى غدايا و آدى الأحبه التفوا و اتجمعوا عدايا أنا اللى زارعك دهب بتأكلينى سباخ إن كان دة تقل ودلع بزيادة دلعك باخ لا شفت فيكى هنا ولا شفت فيكى ترف كل اللى فيكى قرف كرامتنا متهانة واللقمة بإهانة بتخلفينا ليه لما انتى كارهانا يعنى ايه تبقى إنتى هبة النيل يا بوبه وكل يوم المية تقطع يعنى ايه لما اشتكى غلو الفاتورة يقولو تشكى بس تدفع لما قش الرز ثروة بتتحرق وأما نفط الأمة ثروة بتتسرق وأما جلادك على ولادك بيبطش وأما علمك ما يلاقيش يآكل فيطفش يعنى ايه نرفع ايدينا بالسلام لجل الغزاه ويعنى ايه لما ابقى ماشى فى حالى اتشد اشتباه يعنى ايه لما اتحبس أربع سنين حبس احتياطى حبس اعتباطى يعنى ايه مش حاسة بالعمر وغلاوته بتصبى مر العمر ليه دة انا كنت ح اوهب لك حلاوته أنا عمرى ما أتأمرت ولا حطيت شروطى ومكان ما ترسى مركبك بابنى شطوطى أنا كنت جيشك لما مماليلك باعوكى وكنت يوسف لما عشتى سنين عجاف وضلوعى دى اللى فى معركة قادش حموكى وشفايفى دى اللى ما بطلتش فى يوم هتاف دة انا كل شبر فى أرضك اتمرمغت فيه وكل يوم عشتيه أنا اتغذبت بيه على صوت أدانك جرس فى الشدة صاحينلك من امتى كانوا الحرس هما اللى باقينلك بعتينى علشانهم وعنيكى معصوبة ياهل ترى خاينة ولا زيى مغصوبة كل الكلام اتقال و الشعر بقى ماسخ و الصبر علو جبال والظلم شئ راسخ وطن وغرقان فى النطاعه كل شئ ريحته نطاعه علمونا بالعصاية ورضعونا الخوف رضاعة علمونا فى المدارس يعنى ايه كلمة قيام علمونا نخاف من الناظر فيتمنع الكلام علمونا ازاى نخاف وازاى نكش بس نسيوا يعلمونا الاحترام فماتزعلوش لما ابقى مش باسمع كلامكم وماتزعلوش لما ابقى خارج عن النظام مستنى ايه من طفل ربوه بالزعاق غير المشاكل والخناق كل اللى بيقولك بحبك دول نفاق أنا لما قلت لك بحبك كان نفاق الحب يعنى اتين بيدّوا مش ايد بتبنى وستميت تيت تيت يهدوا الحب حالة الحب مش شعر وقوالة الحب يعنى براح فى قلب العاشقين للمعشوقين يعنى الغلابة يناموا فى الليل دفيانين الحب يعنى جواب لكل المسجونين هما ليه بقوا مسجونين يعنى أعيش علشان هدف علشان رسالة يعنى احس بقيمتى فيكى إنى مش عايش عوالة يعنى لما اعرق تكافئيى بعدالة الحب حالة الحب مش شعر وقوالة الحب حاجة ما تتوجدش فى وسط ناس بتجيب غداها من صناديق الزبالة الحب جواكى استحاله بَارَت مَرَاعِينا والبِئر قَد جَف وَالْجُوْع يِكْوِينَا وَالْصَّبْرُ مَا كَفّى وَالْقَلْب لَا يَهْدَا وَالْجُرْح لَا يُشْفَى وَلِأَنَّنَا طَوْع زِنِّا لَهُم خفّا جَاءُوَا بِمَوكَبِهم.. واشتغلت الزفة الدفة مظبوطة وأصلا مافيش دفة والكفة مش مايلة علشان مافيش كفة و جحا اللى جاى بالليل لساه بيتخفى شايف ديدان الغيط سارحة وما راحماشى من جبنه شاف الدود سابه وراح ماشى ولا اتكسف للناس ولا حس على طوله الناس عشمها كبير جريوا بيشكوله ضحك جحا ضحكة مواشى مادام بعيد عن طينى ... ماشى الدود قاعد لك يا جحا ولابد فى طينك بعد ما يمص فى دمانا مش هيحلاله الا طينك احنا اهلك احنا رجالتك عمادك إحنا وقت الشدة سندك إحنا زادك يا جحا احمى ولادك لو كنت عايز تحمى طينك سوف أرحل ربما يلقانى من ارجو لقاه هامشى ويا الشحاتين وابكى على حلمى اللى تاه بس مش هاشحت رغيف هاشحت وطن لله Genre هشام الجخ Comment by Hamada Zaher بس تدفع 2023-11-01T20:52:39Z Comment by Hamada Zaher سخيييييف 2023 2023-11-01T20:50:19Z Comment by Elsaid Abdelmotelb فنان 2023-09-28T10:36:41Z Comment by علي الحلوني 2023 2023-09-13T21:40:26Z Comment by abo shams بدام بعيد عن طيني ماشي 2023-08-09T09:43:44Z Comment by eslam igi ❤ 2023-07-26T20:20:41Z Comment by eslam igi الدود فى بيتك ياجحه 2023-07-26T20:20:16Z Comment by eslam igi برنس 2023-07-26T20:17:59Z Comment by BoDa ElMihiy ميجبوش حق الرغيف 2023-07-08T14:57:07Z Comment by ياسر الجندي ههههههههه 2023-06-11T15:04:51Z Comment by عمرو الحناوي آلله عليك فعلان الى يلى معرفة صعيدى فاتك الراجل الحديدى 2023-04-09T04:04:15Z Comment by Gamal Dash اللة عليك 2023-03-22T16:12:24Z Comment by HiMa Kabtsha كسم ال حط الموسيقي 2023-01-29T23:08:27Z Comment by Abo Karma خمسه عليك 🖐️🥰 2023-01-04T20:54:32Z Comment by Abo Karma الله اكبر عليك ❤️ 2023-01-04T20:45:59Z Comment by User 802992585 علمك ما يلاقيش ياكل فيطفش 2022-12-25T14:30:56Z Comment by Ahmad Kaseem سبحان الله أمال دلوقتي يبقي إيه اه يا ولاد الوسخة كنا في نعمة 2022-12-21T17:49:32Z Comment by Mohamed Altramsey كان نفاق 2022-11-11T01:22:31Z Comment by Mohamed Altramsey محترم بس مش باين 2022-11-11T01:21:21Z Comment by Kareem El-Turky فظيع 2022-07-07T01:27:51Z Comment by هاني حسن ابو حسن فنان 2022-05-27T21:36:09Z Comment by Abdo Mahr Abokalh شاعر ♥🫥 2022-05-24T04:21:53Z Comment by مصطفى محمود محمود روعه 2022-05-11T21:32:02Z Comment by الطريقي تحية حب وتقدير باسم كل المغاربة 2022-03-30T14:02:23Z Comment by hassan yoseef حبيبي 2022-02-01T18:26:44Z