مابتحبكش by Amr Hassan published on 2016-09-16T20:27:29Z مابتحبكش بتتعب ليه وتزرع أرض مش أرضك وليه سهران وليه قلقان ومش نايم وليه قاعد وليه قايم تجيب ف سيرتها ومشاعرك تسيل ع الارض ! مابتحبكش والله وكل اللي اتعمل بينكم حكاية وقت مش اكتر كلامك كله كان عادي ووردك مرمي ف الشارع من الشباك بتضحكلك وتبقى معاك وتحلفلك تكون وياك وبعد ماتمشي بتسيبك تاريخ مهجور حكيت وياها عن نفسك فتاجرِت بيك واديها ياسيدي بتعايرك باسرارك وبعياطك قصاد منها تجيب سيرتك واخبارك وتسبكها بدموع عينها ولا صانت كلام بيبنكم ولا قدرت تراعي حتى حلفانها ياراجل ده انت علشانها بقيت واحد ماتشبهلكش مابتحبكش بتبني ف ايه ؟ بتنكر ليه كلام واضح كضي الشمس بقالك قد ايه مشتاق لواحده كان لقاها فراق وكنت معاها طفل كبير حكيت للكل عنها بدون ماتتكلم وكنت تشوفها فتسلم وكنت تشم بارفانها فتعرف دارها ومكانها وتعرف كل الوانها بلمسة ايد ادي العيل ف وصف العيد لا نفع الشاي ولا الحكايات ولا الاحلام ولا البدايات ولا الحواديت ولا السلامات ولا الحرُمات ولا حتى الكلام بينكم ف اول لحظة تختلفوا تهين ضلك وتشتم فيك وتدعي عليك ولا بتقول ده كان طيب وكان فيه بيننا ضحك دموع ولا بتقول ده صان وجعي ولا حافظ على المجموع مسافة ما الكلام بيموت بتنسى كل شيء له أصل وتترك للمشاع سيرتك بتعمل ايه ؟؟ ياخي والله عيب فعلاً عشان امك ياخي حتى عشان حلمك عشان لو شفت ف مرايه انعكاس صورتك ماتتعرِّش وماتوطيش يادنيا رخيصه مابتديش لواحد حد يستاهله يشوف الشخص لما يعيش نتيجة موقفه وجهله نصيبك وانتي من أهله هموم الناس مابتضحكش مابتحبكش شكلك زفت اديك وعرفت ف ايه ردك ؟ كفايه خيابه من حدك كفايه سنين بتتسرسب عشان ولا شيء مافيش ف الدنيا حد يبيع وهو بريء مقامك وسط كل الناس مقام عالي ووزنك في عيون اهلك دهب غالي وروحك نجمه بتلالي وقلبك ناي رميت نفسك لقلة قيمة بس ازاي طلع خوفك عليها ف عينها ضعف شديد وقربت بمشاعرك بس هي بعيد خيالها مريض بناس عدّوا بتتلذذ ببيع وجعك على الرصفان وتيجي انت وبتسامح بأي ضمان لا والأعجب بتطلع منها غلطان وتطلع حد مش شاري كإن العرض كان ساري يومين بالظبط لا منك غِبت ولا قرّبت وادي الأيام بتثبتلك وبالاوراق غلط نظري ف نظرك فجأة ع الأشياء قعدت كتير عشان تفهم وربك شاء تضيع أحلى ما ف عمرك عشان انسانه ماتحسكش مابتحبكش صدقني مابتحبكش. شكر : ستديو زين داوود Comment by محمد السيد رميت نفسك لقلت قيمه بس ازاي ✍️ 2024-03-23T23:30:50Z Comment by ☜☆🔥☞Mina💔☜☆❤️🔥☞ 💔💔 2023-08-24T10:40:24Z Comment by Selim.Hall متشكرين يا عم عمرو 2023-06-27T02:29:31Z Comment by abr elzaher يعم عااارف عااااارف 2023-05-26T11:21:27Z Comment by Gehan Hamed يخربيت كده💔 2023-02-15T16:52:03Z Comment by Gehan Hamed 💔🥺 2023-02-15T16:50:24Z Comment by HA Coriaan هي الخسرانه 2023-01-06T22:58:55Z Comment by Mariam Yacoup هي دي موسيقي ايه 2022-11-30T16:57:33Z Comment by Deda My soulmate 💛🔐 مابتحبكش شكلك زفت واكيد عرفت 🥹🥹🥺💔 2022-11-17T19:36:16Z Comment by abdo انا قربت اموت 2022-11-16T19:21:51Z Comment by Ahmed Mohmedy تجاره بياااا صحيح 2022-11-05T18:31:20Z Comment by ٰ وانت ياحبيبتي ملخص طويل 2022-11-02T15:05:09Z Comment by ٰ 👍 2022-11-02T15:03:03Z Comment by Sara Mohamed ali بقيت وحدا متشبهليش..محبنيش 💔 2022-09-07T19:39:13Z Comment by أسامه قنديل ‘النقل الثقيل ‘🔧🔩 اه يا والله 2022-08-02T02:40:15Z Comment by Mohamed Kamal انا بجد قلبي وجعني 💔 2022-07-17T05:55:14Z Comment by Marwa Ahmad طلع وهم ومبقاش غير وجع القلب المستمر 💔 2022-06-02T15:41:26Z Comment by Akram Sakr 🤭 2022-05-09T09:25:21Z Comment by . طلع خوفك عليها ف عينها ضعف شديد 2022-05-03T17:53:28Z Comment by . هموم الناس مبضحكش 🖤 2022-05-03T17:51:28Z Comment by 我爱你❤️ 😭😭😭😭😭😭 2022-03-31T23:59:19Z Comment by mhmd rady بس انت بتموت فيها 2022-03-26T11:31:57Z Comment by mhmd rady قد ايه بتلمس الواقع 2022-03-26T11:30:59Z Comment by Doaa Mahmoud ( أم آيلا ) ❤️🙈 💔 2022-03-22T01:17:43Z Comment by 0bavd صدقتك وربي 2022-02-20T21:50:17Z Comment by 0bavd شفت نفسي بالكلام وكأنه يعاتبني💔 2022-02-20T21:48:28Z Comment by mhmd rady قلبي في الجزمه 2022-01-31T20:24:01Z Comment by yousef 💔💔😞 2022-01-27T13:23:05Z Comment by Sara Ramadan فعلا 2022-01-26T16:50:38Z