Asfalt X ZAP Tharwat - Kateb le Bokra Gawab | اسفلت و زاب ثروت - كاتب لبكرة جواب by Asfalt - أسفلت published on 2013-12-19T04:40:04Z سجادة مفروشة نايم عليها الوف الدب ببيادة قطع حبال الصوف مستورة انا كداب م انا خايف اتألم الضرب بالقايش في عقولنا اهه معلم موجود ومش موجود عايش بدون صوتي ...ضحكولي سامعينك بيشترو موتي دي بلاد ما تسمعشي فـ جوابي ده نعشي انا كاتب لبكرة جواب خايف ما يوصلشي ماهو الكلام في بلدنا يقطع ما يوصلشي خايف ما تفهمشي وتقول بعيد هامشي انا لابس قميص م الهم اسود ما ينضفشي القطن صنع بلادي لكن ما يسترشي كاتب لبكرة جواب خايف مايكملشى اصل الاعمار بيد الله وانت ما تضمنشى العمر يخلص امتى ليه ما بتندمشى المال الحرام يقف في البطن ما يتهضمشى اصل الجوع يخلي الحجر ينطق ...لما تكون ماشي على رجلك واللي جنبك بيزحف بيشحت طب اسمع واضحك لما اقول للوحش في وشه انت وحش ابقى بجح ولما اغش في الدرى يقولوا الشاطر نجح شعوب بتتفضح ابواب مش عايزة تتفتح شوف فيه كام حضار قربت تتمسح كاتب لبكرة جواب يوضل ما يوصلشي مش فارقة معايا كتير مانا كدة كدة هامشي ده لو ايوب جه هنا ع العيشة ما يصبرشي لو قالو اقعد يوم بصراحة ماقدرشي خلينا كدة نايمين نقعد ما بنقمشي ...مع ان حب بلادنا يكبر ما يصغرشي حتى وانا جواها برضو بتوحشني حرقت نفسي بنار, النار ما تحرقشي و بعد كل ده بيقولو بتضحكلي طب افضل في وطني اسير ولا اسيب بلدي و عجبي Genre Spokenword Comment by Ahmed Halem طب افضل في وطني اسير ولا اسيب بلدي .. 2023-10-19T17:59:53Z Comment by Afnan Khaled 2 القصيدة جميلة جداً لكن هذا كلام لا يجوز شرعاً عن سيدنا أيوب! 2022-07-19T13:16:29Z Comment by Ahmed Haron 🤍🤍🤍🤍 2022-05-20T21:55:12Z Comment by mohamed sayed سيدنا أيوب وده نبي مش واحد صاحبك 2021-10-25T11:23:18Z Comment by Ibrahim Moustafa 2 ذكريات ! 2020-11-01T20:14:17Z Comment by Khaled Mamdouh خايف ما يكملش 2020-07-24T21:04:01Z Comment by Sayed El-safty مستوره انا كداب 2017-05-20T16:42:27Z Comment by Ašmãä šá₤ãh 😎 القطن صنع بلادى لكن ميسترشى :( 2017-05-02T18:35:39Z