أكتوبر 2019 L عمرو حسن - مرة واحد نوفمبر Amr Hassan - Mara Wa7d November by ✪✪ ﮼احمد،ماهر،اسد،الرافدين✪✪ published on 2019-11-10T12:50:10Z تعرفي ياخلود ونوفمبر واقف ع الأبواب والواحد بيدوّر على ذنب مناسب قبل الشتوية ماتعمل ف القلب سحابه والواحد بيقسّم نفسه بما يرضي الله ع الخوف واللمة الكدابه وبيدفع فواتير الأيام اللي ماعشهاش بقى عندي يقين ان اللي بيهرب طول عمره بحاجه عملها بيعيش طول عمره يكفّر ف حاجات معملهاش وانا عندك اهو انسان مخدوع بيبص على الحواديت من خُرم الباب وبيمشي برجله تجاه الحزن المجاني كل ما يخرج من جرح قديم / يدخل تاني تعرفي ياخلود من سبعه نوفمبر الفين واربعتاشر وانا بلعب مع اطفال لسه ماحصلوش وبنام على كتف ما بلمسهوش من يوم سبعه نوفمبر وانا باخرِج فيلم بدون بطلة وبوارب بيت البيت علشان يدخل ابويا واحكيله الحاصل من يومها انما ياخلود وكأن رصاصة من الأيام الفايته عدت جنبي ودخلت ف الوقت لا انا عارف احدد مصدرها ولا حد مصدق احساسي أيام بتمر شبه الميّه ف ايد الأحداث وانا مش أكتر من مانيكان ف الفيلم الهزلي اللي اسمه الناس زي الساذج باتأكد من قفل الترباس والباب مفتوح زي المصدوم بيصُب الشاي على كف إيديه وبيشرب كوبايته الفاضيه جرى ايه ياخلود هو انا كل ما ابطّل اعيّط ،، اضحك بدموع ؟ ايه يانوفمبر ! انا كل ما اقولك على حاجة يطلع ( خالد حماد ) عارف ؟ آدي المزيكا اللي بسببك خرجت ع الناس سرب مواجع الليل واجع والذكرى كمنجه مابتسمّيش انما تعرف العين اللي ماتبكيش بالليل كافرة والرجل اللي ماتمشيش للشوق أولى ماتمشيش قال ( سآوي إلي جبلٍ يعصمنى من الحزن ) بس الطوفان لم البكا من كل زوج اتنين ادي نوفمبر احساس بالدفا بيعاشر أيامنا الباردة وكأن عنيكي اللحن اللي بليغ حمدي خبّاه م الناس واداه لوردة وحدهم الشتويين فاهمين قصدي تماماً اسألوا شبابيك ورا منها النور ومشاعر عايشة ف ضهر السور مناديل مبلولة غياب وعتاب عشرات الفناجين اللي اتقلبوا لأصحاب ملعون اللي اتسحّب من غير مايقول ولحد الان بصمة ايده معلّمه ع الباب وآهين يا الليل وآهين هتاخدنا لفين ؟ مرة نوفبر / مر نوفمبر ، التاء مربوطة ف رقبة مين ؟؟ وكإن رسايل البحر السر اللي داوود كان حابسه بقاله سنين يحيي ماقررش يعيش نورا لكن طلعتله من الأيام زي العفريت عدت قدامه بشمسية ف مطرة لياليه اكتشفت سره اللي مخبيه فتحت روحه ف حضنها بالليل مابقاش بيتهته ويّاها وانا يحيي اللي بينسى وجوده انما مش عارف ينساها انا نفسي اكون مطرح آمن لشعوب شبهي بترد الباب من غير ماتقول كان فيه واحد مابقاش موجود انا عندي أموت ولا إني اشوف النظرة اللي ف عينك ياخلود وانتي بتتأملى وشك ف الشاي وتشوفي حضارتك بتعيّط على ايد محتل نبهتك مرة زمان منك قُلت ان مافيش علاقات بتدوم جرح وخلّ انما ده نوفمبر ياحبيبتي الشمسيّات عمرها ماهتقدر ع المطرة لو جت من تحت وانا شكلي سرحت فكّرت البوح هيريحني واديني دوشتك بسكاتي فرجتك على فيلم حياتي ف قعدة ساعتين النور كلها حبه ويطلع وانا وانتي هنصبح عكس السير كل نوفمبر واحنا غلابة بنحّن ونتعكز ع الغير بنشوف القشه تنجيّ غريق وبنمشي ف كل مكان وطريق ونقول بالليل " تصبح على خير " كل نوفمبر وانا وانتي بنؤمن بالأبراج وبنتشائم مع كل تلات وبنتشارك ف الأغنيات نعمل قدام الساقية نايات ونبص لبعض ومانغنيش بكره نوفمبر ييجي حنيّن ونكون مع ناس تانية ماتأذيش يمكن في حاجات عايشة وبتموت ننده لحاجات بتموت ف تعيش ،، يمكن ياخلود Comment by Abdo Basha 🔥 2024-04-29T16:15:03Z Comment by Mostafa Mohamed كل م يخرج م جرح قديم بيدخل تاني 💔 2024-04-28T15:34:22Z Comment by Mahmoud Moataz 🔊 2024-04-17T06:26:38Z Comment by H b 🦋 2023-10-26T21:08:32Z Comment by mobark saad من يوم 7 نوفمبر وانا بخرج فيلم بدون بطلة 2022-11-08T16:37:21Z Comment by mobark saad من 7 نوفمبر 2014 وانا بلعب مع اطفال لسه محصلوش 2022-11-08T16:36:52Z Comment by omer تعرفي ي خلود 2022-10-25T00:28:52Z Comment by Ahmed Sheba شعوب بترد الباب من غير ما تقول كان فيه واحد مبقاش موجود 🖤 2022-08-06T00:02:04Z Comment by Kho lood "🦋 اللي بيهرب طول عمره من حاجه عملها بيعيش طول عمره على حاجة معملهاش 💔 2022-04-23T17:53:23Z Comment by حسين احمد ❤️❤️ 2022-03-10T12:26:30Z Comment by mooka ساوى الي جبل يعصمني من الحزن 😥💔 2022-03-08T10:43:49Z Comment by Manar🧚♀️. يحيى اللي بينسى وجوده إنما مش عارف ينساها🖤. 2022-01-08T08:31:01Z Comment by Ashraf Ali 71 ياعم أحا ياعم ❤❤❤ 2021-12-26T00:21:09Z Comment by Mu Stafa تعرفي ي خلود ؟؟ 2021-11-18T14:00:39Z Comment by Hassan M. Marzok احساس بالدفا بيعاشر ايامه الباردة 🖤. وعنيكي اللحن اللي بليغ خباه م الناس واداه لوردة 💕 2021-11-14T22:06:22Z Comment by Hassan M. Marzok سأوي الي جبل يعصمني من الحزن بس الطوفان لم البكا من كل زوج اثنين طب اي ينوفمبر 🖤 2021-11-14T22:04:16Z Comment by Hassan M. Marzok العين اللي متبكيش بالليل كافرة والرجل اللي متمشيش ف الشوك اول متمشيش 2021-11-14T22:02:53Z Comment by Hassan M. Marzok اللي بيهرب طول عمل من حاجة عملها بيعيش طول عمره ع حاجة معملهاش دا اليقين 🍂🖤 2021-11-14T21:59:53Z Comment by Mostafa Elshnawy وبوارب باب البيت عشان يدخل ابويا واحكيلو الحاصل من يومها 2021-11-07T20:28:47Z Comment by Meky Feermooz El Daly 💔💔💔💔💔💔💔 2021-10-31T22:36:46Z Comment by Ahmed Ibrahim تعرفي ي خلود 2021-09-28T23:33:41Z Comment by كريم ت كسم الجمدان😔😔 2021-09-09T22:03:58Z Comment by Mohamed Alaa جرا اي ي خلود 2021-03-30T16:43:55Z Comment by Mohamed Alaa تعرفي ي خلود 🙃 2021-03-30T16:40:49Z Comment by arwa الليل واجع 2021-03-11T22:17:30Z Comment by arwa هو انا كل ما أبطل اعيط 2021-03-11T22:17:14Z Comment by arwa وأنا بخرج فيلم بدون بطلة 2021-03-11T22:15:02Z Comment by arwa من يوم سبعة نوفمبر 2021-03-11T22:14:20Z Comment by Basma Abdullah و لا حد مصدق احساسى💙 2020-12-11T12:17:54Z