El Far3i - Dob Lomacy (Prod. Muqata'a) | (الفرعي - دب لوماسي (مقاطعة by El Far3i - الفرعي published on 2013-12-22T11:55:25Z @boikutt إنتاج : مقاطعة تم التسجيل في تسجيلات الجهاز أداء الفرعي Dob Lomacy : Verses by El Far3i Produced / Mixed / Mastered by @Boikutt Recorded at El Jehaz يلي بتحبوا البلاد عشان قمعوها بأمانها احنا منحب البلاد عشان منحب الي ما خانها انتوا بتحكوا بإسمها إحنا الحلق الي بدانها و منكره الدبلوماسي الي لما سمع الخبرية أدانها الدب الماسي و حيوانات من أحجار كريمة طقوس غريبة , شطرنج الفرنجة رموز إخراج الجريمة الوصف مش كثير دقيق برجعله "فما صدقتك" بس تستغرب إيش كثر المصاري بخليك تسوي بوقتك يلي بتحبوا البلاد عشان بلحظة انفتحت كثير بدنا نجرب الإكتفاء الذاتي زي الرحّال الصغير نعيش بالفضلات نلتقت سموم و ديون ثلث يموت من الجفاف و ثلثين سمنة و أفيون بالنسبة للوصف الدقيق : شفت الطاولة المستديرة ؟ بكونوا قاعدين ببدلات بشربوا إشي بيشبه البيرة "It turns out" يا معلم انها مياه غازية بيحتسوها بأي إجتماع عشان يهضموا القرارات "الإنحيازية" و بخلطوا باللغات زي ما عملت فيك قبل بسطرين لإنه ممنوع بالقمة الإقتصادية تقول إنك "من هين" "نحب البلاد" كما درويش في تونس انتوا الأقلية الي بيننا زي التبولة في البقدونس فروعي جذوري كل ما أبعّد بعّمق و حابب أموت على حق زي جندي منشق معلش المسرحية درامية و فيها بطل قومي فوضع البندقية و قال حان موعد نومي ** يلي بتحبوا البلد عشان تصحوا بساعات متأخّرة بحب أقلك دخلنا بالتطور مراحل بالمؤخرة مصطلحات منفّرة زي فرص عمل متوفرة قوم شفلك شغلة تشغلك , قوم شفلك شغلة مؤثرة بعيد مرتين.. قريب أهلين ! إنت من دم و طين و روح ؟ ولا "إنت من وين" ؟ ويلي بتكره البلد عشان مفكر هيك الدواوين إنت و الي ببلطج عليك على الفتنة متغذيين إحنا اللحظة الي العجلوني حبس فيها أنفاسه اللحظة الملك بصير للشهيد حراسه لحظة مزارع الغور لما بيتمسّك بفاسه اللحظة الي الدقامسة بالمحكمة أمه قالتله يرفع راسه الله يقويكي يا أمي العربية ما زلتي الرمز الثوب بالواقع غير مرضية! الأرض الزرع الجذر الفرع : القضية الحقيقة بوجه فلاسفة المنابر السياسية معلش الصوت طالع من عمان الغربية محل ما بتدور دوارة على الأسطورة الشعبية ممنوع أغاني طربية إلا إذا طلبتها المجموعة الأجنبية و قد ما حضروا على ال mbc أفلام حربية فكّروا حالهم إرهابية! أغنية شبابية على الشبّابة إشي صبابا أمام الي حبّوا البلاد عشان "هيك قال بابا" عاملين لمة بيحكوا عن التعايش مع "شلومو" بطابا مش عارفين بإيش خاشّين زي الي بسوق بالضبابا! أنا بصحي صحابك كلماتي "بتدق و بتشلّف" على بابك بتفتح بتطلّع ما بتلاقي حدى "ما الذي أصابك؟" بترجع بتفوت جوا بس في قصص براسك عم تتشابك ثورات مصيرية في كل مكان و انت عم بينقص شبابك! غيابك أّنّبك أعابك أعادك أصابك بصب بغضبك عصبن عنّك قبّع نيابك أليف ؟ نيالك ! غبّشت فغوص بغبائك غطي ثمك ب "تب" عشان يبطل يعيد ببغائك ببّ بطّل فضّل انحاز و عدّل ممتاز! و بتأجّل؟! بتأخّر و بتبدّل ! بتقيس و بتقدّر بتبرز نقاط زي المجدّر ماسك السلك الدبلوماسي و حبل الكذب و عم بتجدّل! يلي بتحبوّا البلاد و حاسّين ملامحها عم تختفي خبيتلكم عربي عاطفي جوا معطفي و رح أطلعه لما أحس انه نار الثورة ممكن تنطفي بس بالأول يا ثورتي لازم تصفّي نيتك و تنضفي! Genre Arabic Rap Comment by Abra هلا 2022-10-20T17:54:24Z Comment by ehab_. ae 🔥🔥 2022-07-24T13:56:10Z Comment by wael باحبكاوى اعمفدات 2022-06-06T18:15:03Z Comment by ehab_. ae يا فرعي 2022-04-12T22:28:20Z Comment by ehab_. ae هذا هو #الفرعي ✌️ 2022-04-12T22:27:05Z Comment by Al Octopus قشعر بدني خيا ❤️🔥 2020-04-25T02:59:44Z Comment by omar ممنوع أغاني طربية إلا إذا طلبتها المجموعة الأجنبية 2020-02-23T01:00:16Z Comment by Mohnad Abo Omar Rawash Yooooooooooooooo 2020-02-14T21:23:03Z Comment by Aya Hussain وااااااااال القشعرة!!!! 2020-02-03T15:19:40Z Comment by ahmd Dagash سس 2019-08-09T12:34:32Z Comment by Ibra Tawahe 🚀🚀🚀🚀🚀 2019-06-16T16:06:49Z Comment by YAMEN 👍 2019-03-10T15:00:38Z Comment by Mu'tasim Ajaj 👑👑 2018-11-14T11:11:28Z Comment by ahmed elhefnawy 5 انترو روووعه 2015-03-21T10:56:44Z Comment by Mayada Salah very good .. keep it up :) 2015-01-27T05:59:21Z Comment by Terra Somnium As-salamu alaykum 2014-11-04T14:20:45Z Comment by Pogliaghi Mezza-notte انتوا الأقلية الي بيننا زي التبولة في البقدونس 2014-09-22T02:05:38Z Comment by user231218831 فاجرة 2014-09-03T01:15:45Z Comment by user611116432 الله عليك يا فرع 2014-07-31T17:19:02Z Comment by user611116432 أحترامات 2014-07-15T23:52:32Z Comment by Big Moe كل الاحترام 2014-06-11T12:18:38Z Comment by fares M respect 2014-06-09T11:52:00Z Comment by AhmedAlaaHagag (Y) 2014-05-09T15:18:11Z Comment by Rumi تطهير سماعي دماغي..! 2014-04-04T20:32:30Z Comment by M.Nouri ysss3ed rabbak !! <3 2014-03-31T22:13:35Z Comment by waed habaybeh راااااااااائعة ! 2014-03-24T19:19:33Z Comment by rami sy انت من وين !!! 2014-02-16T07:46:56Z Comment by Zaid Tarawnehh bse7tak m3allem! 2014-02-06T12:51:28Z Comment by Laith Abuabdu لازم تصفي نيتك وتنضفي! 2014-01-26T09:40:01Z Comment by Laith Abuabdu rooooooooo7 2014-01-26T09:33:43Z