Omey Oyounha Kahal - أمي عيونها كحال by Gawy جاوي published on 2017-02-25T11:20:31Z لا انا ابويا كان اراجوز ولا امي كانت مريونت الشاشة والمسرح تاجر ملوش ف اللت والحواديت وأمي مايشغلهاش غير اكلنا ونضافة المترح أخواتي جوز مصابيح.. لم تخضر شنباتهم لكنهم.. مسند و مقوا من الزمن والناس أحرار ولاد أحرار مننحنيش ل جنيه ستي اما كانت تدعيلي كات تقول يجعل رقبتك فوق اوي ويحشرك مسكين ولا يحوجك للخلق ستي اللي لم تقرا ولم تكتب ولم يكتب لها يوماً زيارة البيت كانت تشوف الكعبة ف أحضان السحاب وتطوف مع الطير ف الفضا بينها وبين بيتنا بيوت وحطان لكنها كانت تقوم م النوم لو كح ابويا ف اوضته آخر الليل وانا اللي اوضتي جنب اوضته مسمعوش رباني ابويا ع الكرم أن كان ف ايدك قرش رفه بعزم مافيك واطرف عيون السما ولا تنتظرش انه يعود لإديك خليك إمام الفقرا يابني متغتنيش بالكدب صاحب قلوب تهوا السجود لله متخفش م اللي يكشر كل ميشوفك خاف من صديق كذاب يكلك إذا شافك رغيف الله دليلك.. كل متتوه بصله.. تلائيك وصلت السكة يابني قصيرة لاكننا اللي ضعاف نظر بنشوف على حدود المفيش فنخاف نموت.. و نخاف نعيش بنخاف تجوع الأرض تبلعنا ونخاف يمد العمر فنعجز امي اللي مبتسمعش غير قرأن اول ما عرفت اني بكتب شعر حلفتني.. ماكتب إلا اللي ف ضميري واللي قلبي يسوقني ليه يمكن ساعتها.. فكرتني هرتسمها قاهرة أو برج إيفل. أو حمام على كتف طفل ف ليل باريس مكنتش تعرف.. اني كل ما بفتكرها تنطلق ف عيوني ارض والعروق اللي ف اديها زرع عاجز يستقيم فاندفن م الضعف فيها يمكن.. لو كنت اعتدت اشوفها بعيد عن شغل البيت أو حتى عنيها بتلمع فرح ومبتبكيش كنت اقدر اسيب ألمي يكمل واختتم النص امى عيونها كحال و اكرم كتير من النحل يوم سقف بيتنا مال سندت كتافها النخل لمت عيون الشمس شدتها جوا الشال ضلل خيالها الخلق سحرة و بحار و جبال يوم طل نورها ع البشر غنى الشجر موال و اما بكت دار القمر بينوح و يشكى الحال العمر فوق الاربعين لكن قوامها غزال اغنى الخلايق كلهم من غير لا جاه ولا مال كلمات /أحمد الجمل الحان/ جون خليل توزيع / فادى ويصا our Facebook Page: https://goo.gl/sLmvoA our Youtube Channel: https://goo.gl/q2wKBq Genre Gawy Comment by Esmail Ramadan Khallaf اللي فقد أمه يبكي في صمت 2022-03-08T22:46:08Z Comment by Ahmed E. Darwish في دياثه ف النص 😂 2021-03-08T20:07:33Z Comment by Amoola Hassan 💙💙💙 2020-12-21T20:52:04Z Comment by يوسف جو الله عليك 2020-10-05T23:06:11Z Comment by يوسف جو امي نور عنيه💖 2020-10-05T23:05:50Z Comment by a7mad 3bdel-Latif ❤️❤️❤️❤️❤️❤️❤️❤️❤️ 2020-01-15T22:47:48Z Comment by محمد قاسم ❤❤❤ 2019-09-30T00:05:57Z Comment by رواح حاوة بجد 2019-06-28T08:46:07Z Comment by حبيبه 🌷🌷🌷🌷 2019-03-03T12:34:34Z Comment by Dô Dô 😍😍 2018-07-01T00:10:27Z Comment by Abobakr Khaled من أجمل الحاجات اللى سمعتها حقيقى والله ، ومعلقة معايا بقالها فترة 💙 2018-05-11T17:39:31Z Comment by اسلام مطر انا عاجز عن انى اقول اد ايه ايه التراك ده عظيم ..واحمد الجمل عبقرى .. الله ينور عليكم يا جدعان ♥♥ 2017-03-03T16:43:36Z Comment by Ahmed Sa'eed Khames alkalmat to7fa gdan .. 3ash gdan bgd 2017-03-01T11:59:19Z Comment by Heba Rabie الموسيقى مش مناسبة للكلمات خالص، الكلمات أجمل ومش محتاجة موسيقى 2017-02-26T18:30:36Z Comment by moustafa shaaban 3 الله عليكم تسلموا 2017-02-25T22:50:19Z Comment by moustafa shaaban 3 👌✋😘😍 2017-02-25T22:49:29Z Comment by Em An ايه الجمال دا ❤ 2017-02-25T21:51:11Z