Future Memories II by GenIus published on 2017-03-16T21:08:18Z محدش فينا أقرب مهما كانت النتيجة ايه يثبتلنا الأمل؟ وايه يثبتلك الحقيقة ناس بتفكّر في الخليقة وناس بتفكّر في المعيشة يمكن نارهم أقرب بس الجنة مش بعيدة _________________________________________ أيوة اقتنعت، بكوني أقوى مصدر ضعف يحسم اللي بيننا بكرة ذكريات مركونة عالرف هتعدّي باللي عدّى بيّا، أُقف في آخر الصف إسأل الحقيقة تقولك قد ايه طريقكوا صعب حفظت الوصفة، بصيت في مرايتك نفس البصّة هتعدّي أي صعب سهل تلقى بعده أصعب فاهم وجهة نظرك، صدقني أنا مش بأعارضك يفضل كلامي صح، والصح دايمًا إني بغلط بأثبت كلامك، بكرة الرسمة تبان قدّامك مهما حاولت تبني برضه طوفانك هيغرك أحلامك بسذاجته فاكر كلامه قادر يخلّي الواقع أحسن فاكر جمال ألوانه هيغيّر معالم الرسمة حافظ ردودك، مرّيت من ألف سنة بيومك بقلمك غيّر واقع في أملك إمسك مش بألومك صدقني في يوم هتعرف إن دورك بين سطورك بأيديك لوّن طريق سبق وهمّا اللي رسموهولك إكتبوا باين كدبكوا في كل كلمة هتكتبوها بيبيعوا أوهامكوا ليكوا وفي كل مرة بتشتروها ظاهرة الحقيقة في عنيكوا ولو عن نفسكوا هتداروها عارف المعركة خسرانة وبرضه نفسي تكسبوها ______________________________________________ والكارثة.. توهم الناس دي بيك.. وتصدق واقف في الصحراء ماسك صنارة ومنتظر من الرملة سمكة رغم إتاحة الاختيار في ظل عواقب ثابتة تمشي في طريق لوحدك، وجودها مش مؤكد ______________________________________________ رغم كل ذكرى صرخت بعد جملة سمعتوا صوتها ؟لسّه برضه رأيكوا إن اللي بيحصل مجرّد صدفة بأتعب عشانكوا وأنا ما بينكوا مجرّد كاتب رد يا مصدر أفكاري بمعجزة على كل إهانة اتقالت مش هفضل ساكت، هوصف كل فكرة قصادي ماتت إوعى تربك نفسك بالحسابات، مفيش معدّل ثابت بتقرّب سنة، هتكلّم وهيمنعك تسمعي سلاحك ثقتك في إن أنا عمري ما كنت في يوم بأدّعي اتمتّعي بكلّ نظرة بتعكس ضعف في المضمون حتّى لو لاحظوا انتقامي هيفضل في نظرهم دا جنون قادر أشرح معجزاته، قادر أشوف عيوب ميزاته قادر اترشّح مكانه، وأجمع أصوات اللي ماتوا واضح في العيون تحدّي وفي القلم بخل الكتابة مهما عاندتني الظروف هغيّر في السيناريو حاجة ياما قلت الكون صاحبنا، وإن بقائه في مصلحتنا ولو مبطّلناس نواجهه، هيفضل السواد صفحتنا لو هتقدر الحقيقة في يوم تبص في مرايتها تفتكر هتشوف من نقطتين نفس انعكاس حقيقتها؟ مش هأكدب عشان مصلحتك، ولا بأحاول أخفي اللي ضدّك بأشرحلك قدراتك، وبعقلك إنت المسئول تختارلك _______________________________________________ شايف نفسي ماسك قلمي لوحدي في أوضة ضلمة بأشكي لنفسي كتر شكوتي إن الدنيا ظالمة أصعب صعب وقتها بقى أسهل حاجة صعبة وقتك دلوقتي تفوق الموت في الاستسلام لضعفك _______________________________________________ حاولت أدوّر، على مصدر، يلهمني أكتر مجرّد كونها فكرة تهدم معنى كل جوهر كاتب وصفي ليكي بين السطور بألف معنى تبان الرسمة سهلة، بس الحقيقة أغمق كنتي ولا تزالي أقوى مصدر طاقة إيجابي في حين محدش كان متخيّلنا في الوضع الحالي وإن غابت عني الفكرة لحظة، في لحظة باستدعيها أضعف أمل أقوى سبب لكون الحلم حقيقة صعب أنساك أقوى الذكريات ماكانتش غير معاك أيام وفاتت، حتى السنة وماتت، مش مهم فداك محاولة نص ناجحة! وهم الواقع أصدق من كلامهم الدموع فى عيونهم مش هتستناك من فضلك! الكدب خلّى نص وشّك أصفر نفسي في يوم تفكّر إنّي عشت معاها مدّة أطول غريبة.. عدّيتى المراحل الأولى بسرعة رهيبة مش شايف فيك الحاجة اللي تخلّيك متمسّك بيها تعبان أنا في تفسيرها، في بطني لوحدي المعنى قلبي يشوفها أحسن من غيرها، و بتطلب منّي استعمى رسمة السيناريو بتبهت، كون الكون دا مش بتاعنا بأصرخ في ودنك إحنا في المستقبل اتسمعنا ______________________________________________ لعبة، وفي كل مرّة بيخسر مخترعها يصنعها بأصعب طريقة، وبأرخص تراب يبيعها الفكرة مش مانعها، في عقولهم كان زارعها لكن أذكائهم عند قبل آخر خطوة رجعها Genre Hip-hop & Rap Comment by OJInstrumental جينيس انت معونتش بتغني ليه؟ وفين التراكات الاقديمة في تراك فيهم عايزه وناسي اسمه🤦 2021-06-17T16:27:48Z Comment by Aser Ahmed ياديني 2020-09-19T15:42:15Z Comment by ♐︎ شذى 2020-04-19T05:36:39Z Comment by Ibrahim Mansour واضح في العيون تحدّي وفي القلم بخل الكتابة 2017-08-24T03:58:32Z Comment by Ibrahim Mansour إكتبوا باين كدبكوا في كل كلمة هتكتبوها بيبيعوا أوهامكوا ليكوا وفي كل مرة بتشتروها 2017-08-24T03:57:40Z Comment by No Thing احا يا جدع ايه الفجر ده عمرو سعيد وجاجور ف تراك واحد ...فشيييييييييييخ ❤❤ 2017-05-20T20:38:38Z Comment by eluzoubatchy 👑 لدغتك عسل :D 2017-04-17T01:21:27Z Comment by uonk يونك كالعاده مش شايف جديد :) دايما بتبهرنى 2017-03-26T15:02:30Z Comment by iskander التراك دا ناقصو عمو الجو اقسم بالله 2017-03-25T13:22:27Z Comment by مي مو تراك فشيييييييخ 2017-03-19T19:46:41Z Comment by Mohamed عاااااااااااااااااش <3 2017-03-17T23:47:55Z Comment by mohamedshaheen jaguar w amr saeed😍😍😍😍 2017-03-17T19:03:18Z Comment by Mahmoud Mahmoud ويلكممم بااااك 2017-03-17T17:48:19Z Comment by Mohamed H. Sherbeny عاااااااش 2017-03-17T12:07:44Z Comment by User 456245526 اصعب صعب وقتها بقا اسهل حاجه صعبه 2017-03-17T01:29:02Z Comment by Hesham Shakawa على وضعك 2017-03-16T23:18:16Z Comment by Haidy Sayed <3 حلو 2017-03-16T22:16:35Z Comment by Osama Mahmed فشيخ 2017-03-16T21:42:45Z Comment by أدهم بن زين عااش علوضعكم <3 2017-03-16T21:37:59Z