اكتئاب - هاني خليفة من حفل ساقية الصاوي أكتوبر ٢٠١٩ by Hani Khalifa published on 2019-10-16T17:01:18Z الساعة ماشية بسرعة بتخمك و اليوم بيخلص بعد كام ثانية العمر أسوأ فترة من عمرك و الدنيا أسوا حاجة في الدنيا و اليأس أرحم من امل وسواس روحك جواري و الزمن نخاس ولا عدت قادر تتسند وحدك ولا عدت قادر تتسند ع الناس و احتاجت ايد ممدودة بتطبطب و عبنبن تشوف اللي في عينيك جوة و احتاجت ودن بتسمع الشكوى فلقيت لسان بيسمعك هو وحدك لوحدك غير وحيد بينهم الم عَرض اهون كتير م الداء فرّق ما بين الاكتئاب و الحزن الحزن شيء و الاكتئاب أشياء و انا مش حزين انا مكتئب دايما انا نص عمري ف السرير نايم نظرا لان مفيش لقا دايم نظرا لان الفرقة في الاخر مابقتش عايز حد يشتقالي ببعد مسافة كبيرة و أتأخر و الهم صمم بردو يلزقلي الدنيا عاملة عقلها بعقلي و الزحمة موت و الانعزال قاتل و الحق باطل لسه بيكابر انا قلبي عابر و المساكن هو مع اني طيب بس ليا عدو نظراً لإني بصدّق الاشكال و ماعادش عندي قدرة ع التمييز نظراً لأني ماعادش عندي عزيز فبقيت لوحدي أغلب الاوقات و بقيت حمامة و مستكين ف العش مؤمن بعجزي فبكتفي بمعلش تايه مشوّش منتظر فرقان نضارة تلحق نظري ليسافر انا كل املي اني اعيش في سلام او اموت ولكن مايقولوش كافر انا كفّي اضعف من حديد سجّان فبقيت مسالم ملتزم خاضع و السِلم رادع للي شاف الحرب انا جسمي ازرق من آثار الضرب و الدرب أضيَق من محيط صدري فبكُح ناس علشان افوت و اجري و اوصل في اسرع وقت للاخر انا كنت سكر و الجميع داقني و الدنيا خضة و شيبت دقني و شافتني بجري عليها زقتني و انا كنت جاي احضنها صدّقني العمر سلّم لمبته بترعش و انا نظري اصلا في الطبيعي ضعيف الحبكة سكّا و السيناريو سخيف و القفلة واحدة و البقاء لله انا بس شايل هم حزن امي و الدمع يخرج برا باب عيلتي انا ضيف خفيف ع الدنيا يا دنيا فرجاء اخير ماتقّليش شيلتي #هاني_خليفة Comment by Abu Adam وبقيت حمامه 2024-01-17T22:17:56Z Comment by Mahmoud Fayez || محــمود فــايـز الحزن شئ والاكتئاب أشياء .. 2022-07-16T10:01:45Z Comment by Mahmoud Fayez || محــمود فــايـز واحتاجت ايد ممدودة بتطبطب ، وعينين تشوف اللي ف عينيك جوا .. 2022-07-16T10:00:52Z Comment by Mahmoud Fayez || محــمود فــايـز وانا مش حزين.. أنا مكتئب دايما 2022-07-16T10:00:11Z Comment by Blal4ever اليأس أرحم من أمل وسواس 2019-10-26T19:37:51Z Comment by Blal4ever مبقتش عاوز حد يشتاقلي 2019-10-26T19:32:57Z