الموسيقي التصويرية "عمرو حسن" من حفله الساقيه 2018 by Kawther Darwish published on 2018-09-07T09:30:14Z يظهر غيابك بقّع الأيام من يوم ما مات الحضن ريحه على الهدوم وانا باسكنك أوطان من الذكرى وكإن إيدي ف بنطلوني الجينز مش مهتم زي الموسيقى بامُر لحن ودم على نوتة فاضية اسمها الدنيا بابكي بيوت فيها الأمل مهجور كان ايه لزومه بس تبني السور ما دُمنا لسه بالحنين برّاه ؟ وايه يفيد الصوت ف ودن من الجبل الا المسافة بين خروجه وبين صداه يا هل ترى يعرف فؤاد حداد " ليه كل مانقول آه الناس تقول الله " دلوقتي ممكن أقولكم بالظبط فنجاني ليه دايماً بإيد واحدة وليه السماعات بيبوظلها ناحية ونعيش بنسمع من ودان واحدة أُكَر الباب بإيد واحدة رؤؤس الشماعات واحدة وليه القناص عشان ينجح يشوف هدفه بعين واحدة كإن ف كل شيء غايب أمل دايب وطيف واحدة ،،،، أنا العابر على الشارع وحيد المشي باربي ف قلبي كل القطن ف الرحلة واسمّي الشيء بعكس الشيء عشان يحلى لوحدي كل شيء أوضح لا هاتهجّى الحاجات اتنين واكون مضطر اغّيرهم مع الأوقات ولا هتهزني الأشياء ولا التواريخ ولا البدايات أنا التانيين أنا نفسي وأنا الباصين عليا من شكوك ويقين أنا المعني بأحزاني وانا وجهة نظر فيا ورأي العالم الباقيين كده أجمل أواجه ما فضل ليا وفاض ليا بضمير مُفرد أقود مجموعة الفراشات الي الوردة أو اقتل من بناية بعيدة شخص سئيل اخلي الكنبة مرتع للكلاب والتبغ واصاحب بالطو ف التلاتين من الوحده قال لي صديق : ( لو ضاقت المواعيد اصطاد مكان بإزاز على الشارع واسمع أغاني قد ماتقدر) لكن صديقي ماقالش شيء مقنع بخصوص خروج الأغنيات م الجلد ازاي نحرر نفسنا م الساكنين ف الجرح ونسيب مكان صالح لزرع العادي ف المدهش ماتسمعش النصايح م اللي مش واقف معاك ف الحرب لا الوضع هو ولا الظروف متشابهات لكن على الأرجح صدقت ظنه عن مكان بإزاز بيطل ع الشارع واديني باكتب منه هذا النص يظهر غيابك بقّع الأيام بارجع ورجلي بتمشي على قدام ف البعد يبدو الشيء كما هو بيبان سليم مع ان روحه رخام ملايين بيمشوا بذكرى ف الطرقات مساكين بنمسح دمعة الخطوات وبندخل المعركة بخيال نشط ساكن “الأماكن كلها مشتاقة لك” بقينا أسرى للأغاني وللأماكن أصبحنا زي الفصله بين يمكن ولكن وبقينا جرحى من حروب ماقامتش رمينا رسايلنا ف ازازة جوه البحر لكنها ثبتت وجع ، ما عامتش لا أرض توصل لها ولا موج يوصّلها قاعدين على السكك الحديد من مدة منتظرين ومافيش حبيب ف القطر جي من الغياب وزي ناس بتشوف دمانا تظنها عناب فيه ناس تشوف الانتظار محض اكتئاب حربك لوحدك اعرف صحابك مهما كانوا قليلين وضعاف وامشي بخفة ف وقت من ألغام واما غيابها يبقّع الأيام غني معايا الغنوة دي واضحك بشكلٍ عام : " يا العالم السخيف والأيام اللذيذة يا الواقع المخيف والأشياء العزيزة يا الدافع الشريف والثابت ف الغريزة يا المشي إلي الخريف بالعلاقات الوجيزة الليل رفة بريزة والصبح رهان جديد الفيلم ده مش سعيد ومالوش نهايات لطيفه دلوقتي على الجريد وشوية على القطيفة ضم الذكرى اللطيفه واتصور ذكرى بيها فيه حاجات بتنام فاكرها وحاجات بتقوم ناسيها وحاجات ف شروقها سهلة ييجي غروبها تقاسيها أول سلامات بتبهر وبتبهت من تاليها فيه واحدة تنام ف حضنك ف تبيع طول ما انت ليها وفيه واحدة تمُر جنبك فتنسيك من تليها " غنّي معايا الغنوة دي واقطع خيوط الماريونيت من السما والظن وابقى ابتسم لحظة ما تكتشف ان همك كان سحابة صيف وان الأغاني بتتولد تاني أجمل وأقرب للي يشبه لك وان كان غيابها بقّع الأيام أو مر طيفها ف الشوارع والزحام درّب بكاك يملى المدى مطره زي الموسيقى التصويرية ف فيلم مش فاكره خلفية سابقة للحن تاني جديد صوت جي من لاشيء تجاه لاشيء وجع بعيد بيمس جرح بعيد انت الوحيد ف المعركة بطولك انت الوحيد انت الوحيد انت الوحيد #الموسيقى_التصويرية Comment by Zézo غني😢 2022-05-19T18:50:12Z Comment by Mohamed Alfamous لو سمحت انت ليه مسحت بتاع انا الشيطان 2022-05-09T01:09:32Z Comment by George nasser يا العالم السخيف 2021-12-09T14:06:00Z Comment by Ahmed saeed عظمه 2021-09-10T14:29:14Z Comment by lobna Muhammed العدالة تايهة مين شافها ! 2021-08-25T14:24:34Z Comment by zizo تحفه 2021-05-01T16:14:31Z Comment by MAdjid Békai الله عليك 2021-04-17T11:16:11Z Comment by Mohamed🖤 💕💕💕 2020-12-22T03:07:12Z Comment by yahia يظهر غيابك بقع الاياااام 🙂💔 2020-10-17T08:29:49Z Comment by جني هاني 💖💖💖💖💖💖💖💖 2020-10-16T06:15:28Z Comment by جني هاني جميله 2020-10-16T06:13:10Z Comment by mohamed youssef دلوقتي اقدر اقولك بالظبط مش هبطل اكتئاب طول ما انا بسمعك 2020-07-12T10:20:10Z Comment by Elsharbatly Mahmoud ابداع 2020-06-12T09:20:45Z Comment by Ahmed Elmaseedy عموووووور ❤️❤️ 2020-06-09T12:11:31Z Comment by Essam Elmasry أنت شاعر جاحد 2020-05-02T11:30:31Z Comment by Hesham Farid غيابك بقع الايام 🌹🌹 2020-03-30T20:38:29Z Comment by Abdallah Aboalmagd من حب على الجريد دلوقتى على القطيفه 2020-03-12T23:01:34Z Comment by Abdallah Aboalmagd عمرو بيه حسن 2020-03-12T22:41:52Z Comment by 3bdo الوحده 😭😭😭 2020-02-19T00:32:10Z Comment by Ahmed Ebrahim 47 الفيلم ده مش سعيد وملوش نهايات لطيفه 2019-11-27T09:50:29Z Comment by ibrahem.Tiger الليل لفه بريزه والصبح رهان جديد 2019-11-18T08:53:41Z Comment by محمد اجنبي الليل رفه بريزه والصبح رهان جديد 2019-11-16T00:00:29Z Comment by أبو مكه محمد عادل جامد 2019-11-01T13:06:27Z Comment by Abdelrhmanthegk1 الليل رفة بريزه و الصبح رهان جديد 2019-05-21T04:02:46Z Comment by Ğâlãl Ěĺkhàýaţ انت الوحيد 2019-04-30T09:00:52Z Comment by Sera 💙💙💙 2019-01-08T18:51:55Z Comment by user389314092 حبيبي 2018-10-17T12:13:45Z