Zap Tharwat Ft. Amina Khalil - Nour | زاب ثروت و امينة خليل - نور by Moayad Al-Hawary published on 2016-11-28T16:22:08Z غناء: زاب ثروت و امينة خليل موسيقى: ساري هاني منبه صوته عالي فوق عقلي وترتيباتي يوم المقابلة فكرني بأول شغل في حياتي مهندسين كتير جدعان وبيسعوا للوظيفة خبرتهم في الحياة مفيش زي الورقة النضيفة آخر CV في ايدي باسم نور عبد الكريم ورقة مذكرات من نصه وقعت بتاريخ قديم نور كان الكبير على بنتين اتنين من المسئولية عمره ما اشتكى طول السنين صحابه دايماً بيلوموه وضغوط كتير عليه يا ابني هتعمل ايه بالعلم وبالدراسة هتبقى ايه؟ سؤال عارف إجابته فعمره في يوم ما حيره أمه دايماً في ظهره بتسنده وتصبره بس فجأة مرض أبوه بقى ياكل فيه ويكسره لازم يلحق أخواته وبيته قبل ما يخسره نزل ورشة أبوه وقال للناس هنسى العلام شهور واتقال عليه أسطى زي أبوه تمام في السر كان بيذاكر والدكاترة قدروه عرفوا ظروفه ومشاكله وفي الغياب استحملوه يوم ما استلم الشهادة كان طاير فوق السما مهندس ميكانيكا قد الدنيا إنما خبر وفاة أبوه كان رصاصة هتقتله كتر الهموم من صغره قدرت يومها تصبره الورقة قلبتها وفي عقلي بقول ده مش هيقع وللوظيفة خلاص اخترته لأنه جدع لا أنا هتحط على الهامش ولا هقبل أكون عالرف دي الدنيا بتمشي عشان احنا في نفس الصف أنا بسبق بتحدى ظروف أنت مبتعشهاش ودور هو لا يمكن يوم هيكمل غير بدور هي معاد المقابلة جه ومتحمس إني أشوفه أسمع منه أكتر عن حياته وأحلامه وظروفه بس المفاجأة كانت أن نور مطلعش راجل في بنت قدامي بتقولي أهلا مبقتش فاهم سألت بإستغراب: اسمك نور عبد الكريم؟ ردت عليا بابتسامة أهلاً، وأنت مين؟ سألت تاني ليكي اخوات؟ ردت ايوه بنات وأنا المسئولة عنهم من يوم ما ابويا مات اتصدمت من الإجابة نفس كلام السطور وجوا عقلي ألف صوت بيقولي مش معقول إزاي كانت في ورشة؟ إزاي كانت سند؟ إزاي كانت رجولة دي بنت أصلاً مش ولد؟ إزاي عُمال رجال يقول ليها يا ريسة؟ إزاي هقول اخترت ست اخترت مهندسة؟ جوايا صوت بينكر السؤال قبل الإجابة بينكر التردد وبيأمر بالاستجابة لصوت العدل فيا ويفكرني باختياري عشان قدامي بنت يبقى هغير قراري؟ عيب وعار عليا وليها لازم اعتذر إزاي ما بين أفكار مريضة قديمة بتأسِر؟ عقلت واديت لنور ورقة مذكراتها قلتلها إني عارف كتير قوي عن حياتها مبروك عليكي الشغل ومتأكد هتنجحي وأتمنى نكون صفحة في حياتك فيها تفرحي لا أنا هتحط على الهامش ولا هقبل أكون عالرف دي الدنيا بتمشي عشان احنا في نفس الصف أنا بسبق بتحدى ظروف أنت مبتعشهاش ودور هو لا يمكن يوم هيكمل غير بدور هي Comment by Doha جميلة جدا توصف الواقع 2024-04-25T16:36:28Z Comment by Doha 🔊 2024-04-25T16:35:18Z Comment by Sara Romani 🔥 2024-04-20T11:10:53Z Comment by Andrea Very good💟🧡💛 2024-04-08T05:17:04Z Comment by Tarek Ali دي الدنيا بتمشي عشان احنأ ف نفس الصف 2024-03-02T08:43:42Z Comment by mario ❤️❤️❤️❤️❤️❤️❤️🙂🪦 2024-03-01T09:55:42Z Comment by Mahmoud alaa امينه خليل هي اللي مبوظه الاغنيه 2023-12-30T18:31:59Z Comment by Mahmoud alaa امينه خليل فاكره نفسها ممثله عشان تبقي مغنيه 2023-12-30T18:30:49Z Comment by Mariem Zaki هبكي والله💜🙂 2023-12-25T15:43:19Z Comment by الحاجه نعمه محمد علي 👌 2023-11-03T15:56:03Z Comment by Hatem Aly كان الدنيا وقفت 2023-10-25T01:52:25Z Comment by Hatem Aly 💪🏻اديلو جمدااااااااان 2023-10-25T01:42:14Z Comment by Noga Yehya تحفه حكايتي بنات كثيرا 2023-10-09T14:50:33Z Comment by Nermine Shams 1 بحبها اوي ❤️ 2023-09-20T22:43:41Z Comment by sameh shaker جميلة جدااااا 2023-08-12T12:05:36Z Comment by Susie Vanwyk Legeend 2023-07-26T19:04:28Z Comment by <3 ❤ 2023-07-08T08:11:25Z Comment by Mmmm ودوره هوا مبيكملش غير بي هيا 2023-07-06T14:41:00Z Comment by Rosemary Mendez I LIKe IT! 2023-06-14T23:55:14Z Comment by Mohammed A Abdalrazek كتير بحبك واتمني تفضل بروحي نبض M.M. 2023-03-20T00:41:31Z Comment by hoss 💜💙 2023-02-23T15:19:29Z Comment by Ahmed atef طرش 2022-12-31T16:42:20Z Comment by Ahmed Abo Zezo جاااااااحده جدآ 2022-11-21T10:52:44Z Comment by Abduallah shokry ♥️♥️♥️♥️♥️♥️♥️♥️ 2022-07-19T02:15:09Z Comment by Abduallah shokry ♥️♥️♥️♥️♥️♥️♥️♥️♥️♥️♥️ 2022-07-19T02:14:41Z Comment by Mohamed Ashraf الظروف 2022-07-10T14:19:53Z