محمد ابراهيم _ "متعتذريش " من ديوان لما كُنا by Mohammed Ibrahim official published on 2017-01-05T20:14:04Z متعتذريش القصيده الكامله من ديوان لما كنا معرض الكتاب 2017 الكلمات متعتذريش .. لا حبك آخر الدنيا .. ولا وجودك سبب لحياه انا فـ " مآساه " .. بحاول أجمل المشهد و أمثل انى مش مهزوز " شبح أراجوز " مركب وش على وشه عشان ميبانش ايه جواه لا هشحت إهتمام تانى .. ولا هطلب حنان لله انا كويس .. كده أحسن ومش هنكر ساعات بحزن و أحن لكلمه متقاله .. وذكرى و صوره ورساله فمتحاوليش .. تكونى ضحيه فـ القصه .. و إوعى تصدقى الحاله ده زى ما فيه بنات إتكسروا بسببنا فـ ياما بنات كتير حاولوا و نجحوا فـ كسر رجاله وياما بشوف من الدنيا حاجات اغرب من السيما وربك برضه ليه حكمه و ليه حسبه و تقسيمه و انا اللى مشيت و انا مآمن وسبت مشاعرى و اطمنت نسيت ان البلاء وارد وقد يأتى فـ هيئة "بنت " انا يا حبيبتى مش تمثال و ليا شعور و بعرف احس و اتأثر و قلبى ازاز .. يعور لما يتكسر متتخدعيش فـ كام ضحكه بخبى الحزن جواهم ده لو بصيتى جوايا هتلقى الحزن متفسر و تلقى الجرح ساب فيا علامه الوقت ممسحهاش وممسحكيش متعتذريش ! متعتذريش .. و صلى جنازتى وياهم .. قصاد القلبه حطى الدبله و إدعيلى و قولى كان مريض و إرتاح كفايه نواح .. على القلب اللى شافك ورد فـ وطى لجل ما يشمك قتلتى قتيل ؟! .. و ايه يعنى فداكى .. خلاص و لا يهمك مسير اللى إتكسر يتلم .. مسير اللى اتقتل هيعيش متعتذريش .. ساعات الإعتذار بيهين ويجرح قبل ما يداوى .. سلالمك كلها تعابين .. و انا معرفش أكون حاوى .. يا حبل إتلف بالتدريج على رقبتى و انا من طيبتى سبت الحبل عـ الغارب بنبعد مهما نتقارب .. و أشوفك غلطه و أستمتع بطعم الغلطه فـ بعيدك .. يشاء ربك .. بإن الطيب الغلبان يبطل طيبه على إيدك .. برائتك .. شكل من بره ديكور بيدارى سوء طبعك و انا مقلبش أكون تابع و خاتم تلبسيه فـ صابعك انا راجل .. و ليا كرامه لو راحت حياتى تروح وبابى لا عاد لا متوارب ولا مفتوح ومهما تحنى و تنادى خلاص باب الرجوع اتسد بكيت بعد الفراق ؟! .. عادى بكيت على نفسى مش على حد معدش ما بينا شئ فاضل عشان نرجع نقول يا حنين ده لو نزلت دموع راجل ينضرب الوجع فـ اتنين مفيش راجل مبيعيطش لو فارق الفكره بس ان احنا بنخبى معرفش ببكى عليكى ليه و إزاى معرفش ليه وعلى ايه بتتحبى يوماتى عـ الله بسأل نفسى .. ليه انتى ؟! و ليه بالذات و كان فين قلبى و انا مسحوب لتيارك و كان فين عقلى و انا بغلط و بختارك وداخل جنتك عشمان .. أتارى جنتك .. نارك مخدتش بالى انك " وهم " مشيت عكس اتجاه السهم و قلبى اتذل و إتعلق بأكتر حبل كان دايب انا اللى اتسابت طول الوقت عشان مرضيتش أكون سايب رضيت أطلع فـ حدوتك بدور الحاضر الغايب و أحبك من طرف تايه وراكب قطر مبيمشيش متعتذريش .. عشان و الله مش فاهمك و مش قادر أحدد موقفك بالظبط .. براجع كل تفصيله .. مفيش فـ القصه حلقة ربط .. مفيش حبكه .. مفيش ربكه مفيش فـ القصه دمعة عين و قبضة قلب أو قهره أكيد فيه حاجه مش ظاهره تعالى نبص عـ المشهد .. نراجعه من الألف للياء .. نشوف مين فينا كان مشتاق و مين قصر .. ومين إهتم و مين نايم بكل برود ومين سهران يعيط دم أكيد حبك مهم .. أكيد لكن يعنى كرامتى أهم فـ كان من حقى أقول همشى .. و أقول سبتك لكل الناس و انا كداب .. صحيح سبتك انا لكن انا المتساب .. انا المتساب بأفعالك .. و إهمالك .. و إحساسى ان فى حياتك مجرد طيف .. و ساكن جوا منك ضيف لا ليا حقوق ولا كرامه و عايش بس من غير صوت وطول الوقت بتذلل و بشحت كلمتين حلوين فـ آخر اليوم .. عشان أعرف انام مبسوط بقول سبتك لكل الناس و برضى غرورى وسطيهم .. و انا جوايا نار قايده " مفيش فايده " .. بكابر قد ما بكابر و قلبى من الحنين مفضوح قريب وغريب .. يبص فـ عينى فيشوفك بكل وضوح .. و لسه انا تحت تأثيرك .. ومش شايف بنات غيرك لكن أصبحت مبشوفكيش متعتذريش أشعار : محمد ابراهيم رؤيه فنيه و توزيع : الموسيقار محمد معانى تسجيل و ميكساج و ماستر : كريم حسن فوكال : محمد الشبينى _هاله حسن ناى : أحمد أبو المجد باص جيتار : باسم معانى اليكتريك جيتار : أحمد طارق شكر خاص " آيه عماد الدين فؤاد " Comment by mo 💔💔💔💔💔💔💔💔 2024-02-08T18:24:25Z Comment by جرح السنين 💔💔💔 2023-01-10T00:31:12Z Comment by ramy yonis ساعات الاعتذار بيهين 👏👏 2022-12-18T14:16:46Z Comment by Omran Mohamed 💔💔💔💔💔💔💔💔 2022-11-04T02:51:08Z Comment by MǾĥãmed Ğămäl يومياتي علي الله بسال نفسي ليه انتي وليه بالذات مكان في القصة ياما بنات 2022-09-03T14:16:35Z Comment by Haidy Mohamed ومش هنكر ساعاات بحزن واحن لكلمه تقاله وذكري وصوره ورساله 2022-08-07T23:27:08Z Comment by Donia Osama اسم اللي بيغنيه ونبي 2022-04-21T17:31:07Z Comment by معتز اسامه مختش بالي انك وهم 💔 2022-02-22T19:57:49Z Comment by مصطفى مغربي ايه الكلام ده مسير ال اتكسر يتلم ومسير ال اتقتل هاعيش 2022-02-10T02:40:42Z Comment by الامبراطور المصري شبح ارجوز 2022-01-25T13:26:26Z Comment by الامبراطور المصري ايون بشوفكي غلطه 2022-01-25T13:24:10Z Comment by BØsé EZãt اي الجمدان دا💔🥺 2022-01-03T15:00:52Z Comment by Hala Mohamed ليه منحترمش بعض في علاقتنا وكل واحد يخاف علي خساره التاني ليه لازم حد يطلع مكسور وخسران دا.كسر القلوب صعب 2021-11-29T07:22:58Z Comment by antoka وحبك من طرف تايه 2021-10-29T15:50:43Z Comment by حبيبـة حَسَـنْ✷ ". مفيش أي اعتذار ممكن يصلح حاجة مكسوره"". 2021-10-13T09:46:18Z Comment by حبيبـة حَسَـنْ✷ ". يـ جرح وجعني فاتعلمت.' 2021-10-13T09:45:42Z Comment by حبيبـة حَسَـنْ✷ ". متعتذريش" 2021-10-13T09:45:27Z Comment by حبيبـة حَسَـنْ✷ ". حاجات اغرب من السيما 2021-10-13T09:44:30Z Comment by حبيبـة حَسَـنْ✷ ". فمتحوليش تكوني ضحيه فالقصه. " 2021-10-13T09:44:05Z Comment by حبيبـة حَسَـنْ✷ ". ولا وجودك سبب لحياه💔 2021-10-13T09:43:16Z Comment by Na Na Na متعتذريش 2021-10-08T21:03:20Z Comment by سجده محمد 💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔 2021-10-06T18:05:56Z Comment by Dody Daleda جميل 2021-10-05T03:53:51Z Comment by Youssif Ahmed يجدعاان انا جروووح عاطفيااا💔💔😔 2021-09-13T03:52:36Z Comment by Doiny Eid ولو ع الماضي ف انا هنساه 2021-09-09T21:03:57Z Comment by احمد العراقي 💔🖤 2021-09-02T00:15:34Z Comment by نغم ضيف انا ✋كويس😓 2021-07-23T22:02:28Z Comment by Norhan Nady تحفه 2021-07-14T15:44:27Z Comment by Hossam Elkotamy روووووووووعه 2021-07-09T11:59:58Z Comment by -𝒓𝒐𝒏𝒚 , 𝒃𝒐𝒅𝒂 . أنا في مأساه 2021-06-02T22:25:32Z