كان يوم عادى _ محمد ابراهيم by Mohammed Ibrahim official published on 2016-01-18T20:03:25Z عن حدوته الحب الأول .. اللى عمرها ما خلصت بالجواز .. و عن الصدفه اللى بتجمعنا بناس كنا ما صدقنا نسيناهم _________________________________________________________ كان يوم عادي سبتها من ست سنين فاتو .. _دلوقتى انا متجوّز غيرها _ مبحسش ناحيتها بحاجه مع ذلك و الله فاكرها ده لإن الجرح اللى يعلم عمره ما بيروح .. مشهد متعاد .. بصيت لمراتى و قولتلها " بابك مفتوح " فتحت بابها و قفلته تانى بس يا سيدى مسكت إيدى .. و قالتلى هنسهر فين طيب ؟! " ودينا مكان يبقى قريب " علشان الزحمه وضيق الوقت و عشان مش حابه ان انت تسوق شكلك مخنوق .. رديت " أبدا " .. مضغوط و الشغل مهوش ماشى .. ردت ماشى .. ودينا كافيه نشرب حاجه محتاجه أحس ان انا جنبك _ انا نايمه إمبارح زعلانه _ جه الوقت تكفر عن ذنبك قولتلها خلاص قلبك أبيض فـ قالتلى لا أبيض ولا ألوان ودينى مكان .. ويكون هادى ولحد الآن اليوم " عادى " و مكانش فـ بالى انه هيقلب بحنين و بشوق .. نازلين بهدوء و لقيتها قصادى معديه .. معقوله بجد تكون هى ؟!!!! معقوله الست سنين عدوا وبقينا بعاد " مشهد متعاد " و انا قاعد باصص لمراتى .. _مزيكا حزينه بصوت واطى _ تقتحم المشهد و انا سارح و الوقت بيرجع ست سنين و كأنى مودعها إمبارح قاعد فـ كافيه و فـ إيدى كتاب .. تدخل مـ الباب و فـ إيديها إكياس فيها هدايا .. و حاجات انا كنت جايبهالها _ الشك بيكبر جوايا _ مستنى تقرب و أسألها فـ تقرب و انا دقات قلبى عماله تزيد .. الشك بيتحول تأكيد و بتسحب روحى مع الكرسى و بتقعد و تكلم عينى بنظرات مقدرتش أحللها و بتمسك ايدى و تفتحها و تحط الدبله و تقفلها و تعيد فـ كلام معناه مفهوم و تقول " معلش انا لازم أقوم " و المشهد يقلب تراجيديا وسواد متغلف بكوميديا ودراما فـ فيلم إسمه الدنيا وده حالنا وحال كل العايشين الحب اللى بيكبر فـ سنين يتهد فـ جزء من الثانيه ومحدش عارف ايه الأسباب ومحدش عارف مين مسؤل يقطع سرحانى سؤال .. بيقول .. مالك يا حبيبى سرحت فـ إيه ؟! _ أبدا يا حبيبتى انا مش سرحان _ انا بس فصلت عشان تعبان و أتنهد و انا ماسك إيدها و أوعدها انى أفضل أسعدها و أضحك و أسأل بتحبينى ؟! فترد تقول " طبعا يعنى " مع انك بتطلع عينى وبسببك قلبى بيوجعنى " نكديه بطبعك هعمل ايه " و مشاكلك فـ الغالب تافهه فتقولى اسم الله و نتعاير و أطلع مـ العلبه سيجاره فتمد اديها و تخطفها و تقولى بلاش شرب سجاير عارف ؟! .. انا عمرى ما حسيت بأمومتى .. غير و قت ما حبيتك جدا من قبل ما نتجوز حتى .. بدعيلك و الفجر بيدن و كأنك إبنى اللى انا بنته ومسنوده عليه .. وماسكاه فـ إيدى .. كل الموضوع ان انا عايزه أتدلع و أتحب يا سيدى حقك .. و الله انا حبيتك حسيت انك فعلا بنتى مع انى مكنتش متخيل اللى أتجوزها تكون انتى ده لأن انا و انتى زمان كنا إتنين إصحاب يدوا نصايح يا بنمسك دايما فـ خناق بعض يا بنمسك على بعض فضايح ومكانش فـ بالى ان قلوبنا مشاعرها فـ لحظه هتتحول و أكتشف ان انا بعد ده كله حبيتك انتى من الأول أيوه الواقع عمره ما كان يشبه للأفلام يا جماعه | لو دققنا فـ كل الناس هنشوف كل الناس متباعه واحد سايب واحده وواحده سايبه فـ واحد سايب غيرها آه الأحاسيس فـ الأول حلوه بس وجعها يبان فـ آخرها الجارح بكره هيتجرح و المجروح ده مسيره يخف كلنا أدوارنا بتتبدل طول مالأيام دايره تلف Genre محمد ابراهيم Comment by beko ❤️ 2021-09-11T10:49:50Z Comment by beko مسك ايدي 2021-09-11T10:48:21Z Comment by ÂHMED KHALED الجارح بكرا ليك يوم ترجع مجروح 2021-08-06T18:35:59Z Comment by User 497926943 يااااا رب قلبي من الوجع مفتول 2021-06-07T15:34:01Z Comment by طيبة وجع قلبي 😢😌😌 2021-05-29T21:46:32Z Comment by mariam osman وجع قلبي 2021-03-05T18:14:34Z Comment by Eman Saied حبيتك انت من الاول 😥🤧❤️ 2021-01-04T20:11:26Z Comment by lolo Eltahan ❤❤❤❤❤❤❤ 2020-09-26T06:10:16Z Comment by lolo Eltahan ❤❤❤❤❤❤❤❤❤ 2020-09-26T06:09:46Z Comment by Mohamad Ibrahim Pk رووووعه 2020-01-02T17:57:12Z Comment by Mena Hazem حبيت❤ 2019-12-05T19:25:44Z Comment by sam🖤 ♥♥♥♥♥♥♥♥♥♥♥♥♥♥♥♥♥♥♥♥♥♥♥ 2019-09-23T00:34:21Z Comment by No-Again-1996 حقيقي عيطت 2019-08-01T13:01:01Z Comment by امرأه بطعم التوت آه الأحاسيس ف الاول حلوه بس وجعها يبان ف آخرها 💛 2019-07-20T20:19:23Z Comment by Mohamed Elsaid Elkhateeb 👏👏 2019-05-26T23:42:38Z Comment by kareemabed هه 2019-05-01T17:54:29Z Comment by Roro Ahmed ،💔 2018-08-24T12:58:55Z Comment by Roro Ahmed وكانك ابنى اللي انا بنته 👌💖 2018-03-25T18:08:23Z Comment by Roro Ahmed 💖👌 2018-03-25T18:06:14Z Comment by GoGo Ana دد 2017-07-01T20:08:17Z Comment by GoGo Ana ن 2017-07-01T20:08:04Z Comment by Mody Gad 1 جامــــــــــــــــــــــدة اخر حاجه 2017-03-30T12:33:51Z Comment by enas :( ♥ 2017-02-06T14:35:21Z Comment by fatma muhammad حلوووووووووووة 2017-01-08T20:03:44Z Comment by Omnia Kimo الله 2017-01-01T17:37:40Z Comment by صابرين محمود الله 2016-10-02T21:29:15Z Comment by Toka Emam محتاجه احس اني انا جنبك ، انا نايمه امبارح زعلانه وجه الوقت تكفر عن ذنبك 2016-09-26T12:59:44Z Comment by Walid R Ghanem هو ده شعر؟ 2016-09-18T12:43:13Z Comment by Aya Hesham صوتك كفيل انه يخلينى اعيط مهما كان بتتكلم عن ايه 😢بحبك جدا بجد انت انسان طيب اوى ربنا يكرمك دايما 2016-09-07T22:44:48Z Comment by basma_elsirwy96 <3 2016-09-04T01:30:15Z