الإله الذي يَعبُد - راؤول جوميز خاتين - ترجمة شعرية للمصرية مصطفى ابراهيم by Mostafa Ibrahim | مصطفى إبراهيم published on 2020-08-16T20:18:54Z الإله الذي يَعبُد ---------------- للشاعر الكولومبي الراحل راؤول جوميز خاتين ترجمة عن الإسبانية : أحمد محسن ترجمة للمصرية : مصطفى إبراهيم أنا إله في قريتي وواديّ ليس لأنهم يعبدونني، بل لأنني أنا أفعل ذلك لأنني أنحني أمام من يمنحني بعض الرُمَّانات أو بسمة من إقطاعيّته أو لأنني أذهب إلى حيث سكان القرية الأقوياء لأتسوّل عملة أو قميصًا فيعطوني لأنني أراقب السماء بعينيْ طائرٍ وأسميها في أبياتي لأنني وحيد لأنني نمت ستة أشهر على كرسي متأرجح وخمسةً على أرصفة المدينة لأنني أنظر إلى الثروة نظرةً جانبية لكن بلا كره لأنني أحب من يحبني لأنني أعرف أن أزرع البرتقال والخضروات حتى في أشدّ الحرّ لأن لي عرّابًا عمّدتُ كل أبنائه لأنني لست طيبا بطريقة معروفة لأنني أحب الطيور والمطر وطقسه غير المستقر الذي يغسل روحي لأنني وُلِدتُ في مايو لأن أمي هجرتني حين كنت في أشد الحاجة إليها لأنني حين أمرض أذهب إلى المستشفى الخيري لأنني فوق كل شيء لا أحترم سوى من يحترمني الذي يكسب كل يوم خبزًا مُرًّا ووحيدًا ومُتنازعًا عليه كأبياتي هذه التي أسرقها من الموت. ترجمة أحمد محسن ■ ■ ■ لو هقول الحق فنا عندي في البلد ناقص يعملولي مقام مش عشان يعبدوني لأ.. لكن عشان.. بهز راسي بإبتسام... ونا باخد الرمانة من ايد الخواجة صاحب الأطيان انا اللي بروح لكبارات البلد اشحت فلوس واشحت ساعات قمصان انا اللي ما باشوفشي السما الا بعينين عصفور طاير بعيد راجع بيكتب عنها في قصايده بيعبدوني عشان وحيد... علشان قدرت انام على كرسي لشهور.. وشهور زيهم على رصيف الشوارع... زيّي زيّ ايّ كلب... بيعبدوني عشان .. بابص للفلوس بنص عين وبنص قلب او عشان بعرف احب اي حد يحبني و لسه جوه قلبي عمار.. او عشان بعرف ف عز الحر ازرع برتقان وخضار او عشان انا اللي باركت كلّ ولاد شيخي الجليل او عشان بيشوفوني طيب .. وما يعرفوش ازاي ف بيقولوا جميل او عشان بحب المطرة والطير والغيوم... بحب المطرة تغسلني جوه امواجها او عشان اتولدت ف مايو.. لأن امي سابتني ف عز ما كنت محتاجها او لأني بروح لعيادات الجوامع يوم ما بعيا بجد بيعبدوني لأني فوق.. فوق كل حاجة و كل حد او عشان قليل الذوق ما اقدرش اقدّر غير.. اللي يقدّرني ما اقدرش اقدّر غير .. اللي بيجروا ع اللقمة البعيدة اللي بيجروا ع اللقمة الوحيدة اللي يجيبوها من بق الأسد .. و بدونها يبقوا على الحديدة زي شعري.. اللي اوقات بسرقه من بين سنان الموت مصطفى إبراهيم Genre Soundtrack Comment by Andrew Gerges الله الله الله يا عمنا 2023-02-12T16:34:40Z Comment by MoĤâmed Bélâl جميل ❤️ 2023-02-12T15:24:02Z Comment by Hany bomahDy يا عيني مش ممكن واللهي كأنة انا 2022-07-07T04:45:48Z Comment by Reda Elsawy ياعم بقا 2020-10-13T23:14:16Z Comment by Omar Al-Shref البرنس الرائع مصطفى ابراهيم 👍 2020-10-01T01:08:25Z Comment by Ibrahim شابو لمواليد مايو 2020-08-21T05:38:49Z Comment by Mohamed Elshinawy او عشان اتولدت فى مايو 2020-08-17T16:08:59Z Comment by sara abouzaid زي شعري اللي اوقات بسرقه من بين سنان الموت 😒 2020-08-17T09:06:51Z Comment by Aya Hamdy 31 جميل♥️ 2020-08-17T03:47:22Z Comment by enas farouk ❀ أو علشان بعرف أحب أي حد يحبني.. ولسه جوه قلبي عمار 💗💗 2020-08-16T23:47:59Z Comment by shrouk arfat اوباااا ♥️♥️ 2020-08-16T22:40:16Z Comment by Abd El Rahman او عشان بعرف احب اي حد يحبني 2020-08-16T21:44:15Z Comment by Eman El Nahas الله الله 2020-08-16T20:55:33Z Comment by Amr els3dawy بيعبدوني عشان وحيد .. 2020-08-16T20:53:37Z Comment by User 373961076 ايه الجمال دا 2020-08-16T20:48:56Z Comment by amro walker ايه العظمه دي ، انت وايح للعالميه اكتر واكتر من بعد ترجمه مانفيستو ،، بالتوفيق يا عالمي يا رفيق الثوار 2020-08-16T20:40:21Z