رؤى منتصف الليل - خوسيه أسونسيون سيلفا - ترجمة شعرية للمصرية مصطفى إبراهيم by Mostafa Ibrahim | مصطفى إبراهيم published on 2020-08-25T17:00:45Z قصيدة "رؤى منتصف الليل" للشاعر الكولومبي خوسيه أسونسيون سيلفا (1865 - 1896) الليلة الماضية، وأنا وحدي، نصف نائم تبدّت لي أحلامي في أزمان أخرى أحلام الأمنيات، والأمجاد والأفراح والسعادة التي لم تكن قطّ لي. بدأت تقترب في مسيرات بطيئة وتسكن زوايا الحجرة المظلمة خيّم صمتٌ هائل على كل أنحاء الغرفة وأمسك بندول الساعة بتلك اللحظة تقدّم عطرٌ متردّدٌ لرائحة منسية شبحا، وتحدّث إليّ من الماضي رأيت وجوها أخفتها القبور منذ زمن وسمعت أصواتًا سمعتها من قبل، لا أعلم أين اقتربت الأحلام ورأتني نائما فمضت مبتعدة، دون أن تثير ضجيجًا ودون أن تطأ خيوط السجادة الحريرية، ومضت تتلاشى، غارقة في الظلال. ترجمة من الإسبانية - أحمد محسن ***** امبارح.. ونا ممدد لوحدي.. نص نايم نص صاحي الاقي فجأة ايه معدي.. الاقي مين؟ الاقي كل احلامي القدام راجعين زي اللي راجع من زمن تاني كل أمجادي وافراحي.. وحتى احلام الأماني..اللي ما جاتش في وقتها وحتى السعادة اللي عمري ما دقتها جايين مواكب داخلة اوضتي ببطء ماليين عليا.. كل شبر ف الضلمة اللي حواليا الصمت خيم فجأة ع المشهد وكأن كله ف لحظة فقد النطق والساعة وقفت فجأة قدامي و اتقدمت من بين صفوف احلامي بخطوة مهزوزة ريحة حلوة قديمة منسيّة تشبه لجنيّة طالعالي م الماضي ولقيت قصادي وشوش كتير سايبين وراهم قبرهم فاضي وسمعت اصوات مش غريبة عليا بس امتى سمعتهم او فين وحبة حبة... قعدت تقرب مني احلامي وكأنها ماشية بدون رجلين بصت عليا لقيتني نايم مشيت بعيد مشيت زي ما طبّت بدون مواعيد مشيت بعيد من غير لا صوت ولا حس من غير ما حتى تمس.. رجليها سجادتي الحرير مشيت ودابت حبة حبة... زي نور جوه الضلام بيقل مشيت و غرقت.. حبة حبة جوه الضل... ترجمة للمصرية - مصطفى ابراهيم Genre Soundtrack Comment by وفاء الإمام وحتى السعاده اللي عمري ما دوقتها 2023-04-13T03:09:44Z Comment by وفاء الإمام مشيت زي ما طبت بدون مواعيد 2022-04-24T06:47:30Z Comment by Amira Salama يا الله.. دمعت والله 💔 2021-12-25T21:14:48Z Comment by Naro_o 🤓 ♥️♥️♥️♥️♥️♥️ 2021-09-23T22:34:33Z Comment by yussra جميل 💜 2020-10-14T19:03:01Z Comment by Donia Maher ما كنتش عارفة انك بترجم ❤️ 2020-09-05T21:53:58Z Comment by Ala'a الترجمة للمصرية عبقرية صراحة 😎🎩 2020-08-28T13:24:37Z Comment by 𝗠𝗼𝘀𝘁𝗮𝗳𝗮 𝗘𝗹𝗯𝗮𝗵𝗿𝗮𝘄𝘆 وحتى السعادة اللي عمري مادوقتها 2020-08-28T08:07:08Z Comment by a7mad.3mad 👏👏👏 2020-08-26T18:33:32Z Comment by Ahmed Hamed ممتاز والله 2020-08-26T05:18:17Z Comment by Badrofalex جميل يا درش صوتك مازال زي الجرس بيرن، صوتك بيعرف يبتسم ويحن صوتك رقيق زي الملاك بيقول كلام ماتقولش (ديك الجن). 2020-08-25T20:24:28Z Comment by Mohamed Elshinawy الاقى كل أحلامى القدام راجعين ! 2020-08-25T18:31:59Z Comment by Fatma Ali جميل 2020-08-25T18:24:22Z Comment by m7md 3mara 💙💙💙 2020-08-25T18:08:18Z Comment by Aml Fouad و حتى السعادة اللي عمري ما دوقتها .. 2020-08-25T17:54:43Z Comment by ناصر عبدالسلام عظيم يا درش 2020-08-25T17:52:49Z Comment by تلآوآت اول واحد اسمعها ☝️😍 2020-08-25T17:03:12Z