للأيام - سارة طارق by sara published on 2021-08-13T15:26:12Z للأيام اللي بنصحى فيها شايفين الشمس بعد وقت كبير في الضلمة و بنمد ايدينا للنور اللي في اخر النفق ومنطولهوش.. للأيام اللي بتترفع فيها كل الستاير اللي حاجبة الضوء، وتتفتح كل الشبابيك اللي مانعه الهوا ويدخل ويطير شعرنا ويحسسنا اننا لسه بنتنفس.. ونبقي ممتنين لكل حاجة.. لشعاع الشمس، لريحه الجو، حتى التراب على السور للزرع، للطيور، للون المايه، ولصوت العصافير .. لصوت موسيقى من الافلام اللي بنحبها، لكل الاغاني اللي بنحبها اللي بتشتغل فجأة من الراديو او من اي مكان مش معروف مصدره وتخلي كل حاجه اجمل لعصير الليمون المفضل.. ولكوباية الشاي بالنعناع بالليل وانا ببص على قمر على امل انه زي ما بتمني من وانا صغيره يكون لسه بيوصل كل الرسايل.. لشكل السحاب والنجوم في السما.. ولضحكة ماما ولحضنها.. لكل حاجة حبيناها كأننا بنخلص حبنا ليها كأنه اخر يوم في العالم. للايام اللي بتأكدلي اني لسه مش عايزه اموت وإن في حاجات اكتر في العالم محتاجه ابقا ممتنالها هي كمان مفيش سبب معين للايام دي غير انها بتيجي علشان تقولنا منموتش وبيباركها أصوات حبايبنا واحضانهم، اصواتهم طول الوقت وفي كل مكان وأحضانهم علي قد ما بنطولها.. Genre Pop Comment by 1sky لامس قلبي هذا النص و صوتك الدافى ❤️❤️ 2022-05-12T20:14:34Z Comment by 🔱 انا اللي ممتن لصوتك الجميل دا اللي غير مودي ❤️ 2022-05-05T00:34:01Z Comment by Sara Soliman عاش يا ساره ❤️ 2022-02-27T21:10:00Z Comment by E S R A A اشطر بنت في البنات كلها 2021-09-12T02:33:24Z Comment by Nada 💙☁️ جميله اوى يا سارة♥️ 2021-08-17T20:45:56Z Comment by Noha حلو اوي 💗 2021-08-13T16:53:22Z