فتره - زياد كرم / Fatra - Zayd karam by Zyad Karam published on 2020-08-02T20:41:43Z :الـكـلـمـات العقرب مبيمشيش لاكن مستني ساعتي واهي فتره وعدت علي جدور رقبتي اتعلمت كتير لاكن اللي راح وقتها كان اكتر مبسوط معاك واديني بتمرن ع الكاركتر هتروح لفين ياحزين من وجع الليل تأنيب ضمير مبين ظروف حياه وموهبه وكفه الظروف بتميل مجتش عليك انت ابراهيم وانا التماثيل ومهما كنت يوسف بردو مش هتكونلي بير اخر زفير لشخص عاش حياته قتيل زي قبضه روح ف ثانيه لحد كانت ايامه سنين الأكتئاب بقا حاله قلم والظروف بتقصف قللت م الكتابه علشان مبقاش في كلمه توصف محبوس ف دماغي مش هخرج لو خدت افراج مش هصنع حياه العيش مبيعملش افران مطحون من اجل اللقمه بابا مسبليش اطيان الأحلام محبوسه .. والظروف قضبان كان اليوم بيعدي ف سنه كنت حد غريب مش انا كنت ممكن ابقا ميت لو حكمت شيطاني وقتها كنت جيش محتاج لمدد رغم القوه مش ف العدد حتى اللي ممكن يسندوك محتاجين لسند وتقول اهي بكره تفرج وبردو يعدي بكره بتتقدم وترجع زي ماتكون مربوط ف اكره ساعدت نفسي قدرت لما انا كنت جمبي الفهم بلوه وانت ياغبي فهمت بدري كل شئ راح من ايديا لا طولت غنا ولا صيت بنام بصعوبه علشان بيكون ف دماغي تخبيط المرض غلب الطبع كنت بموت ومحدش بص المهم تكون مش صح الناس ديه بتتسابق ع النقص جسمي اتكسر م الأرهاق وجوا دماغي حروب مش مهم مين انتصر المهم مين بيموت مبقتش فارقه مبقاش في شئ مرغوب الوجع لوكان جدع كان سابني يوم اعيش مبسوط ولا نافعه سكات ولا ينفع تعبك يتحكي زي السياسه اللي يقرب منك يتأذي اتغيرت كتير رغم انك لسه مكانك قلبك ب التدريج بقا لون حال بلادك كان اليوم بيعدي ف سنه كنت حد غريب مش انا كنت ممكن ابقا ميت لو حكمت شيطاني وقتها كنت جيش محتاج لمدد رغم القوه مش ف العدد حتى اللي ممكن يسندوك محتاجين لسند ---------------------------- --------------------------- فتره - Fatra Lyrics: Zayd Karam Music: free bet Mix & Master: Nadar Nashat Video lyrics: SHETOS Desgin: George Kamal _______________________________ Follow Zyad on: Facebook: https://www.facebook.com/zead.karam Soundcloud: https://soundcloud.com/zyad-karam-1 Instagram: https://www.instagram.com/zyadkaram/ YouTube: https://www.youtube.com/channel/UCe0NeU2ltxPNIh0oTLU3upQ Comment by Marwan Elsamaaty "مؤلمة تلك الدمعة التي تسقط وأنت صامت تسقط من شدة القهر والألم والإحتياج." 2022-11-24T08:04:19Z Comment by Medhat Mohamed روعه 2022-01-16T01:35:30Z Comment by zilora gamar انت ازاي مش مشهور عاش ❤ 2020-08-23T07:05:47Z Comment by hazard Pablo عاش فشخ♥️♥️ 2020-08-09T13:37:57Z Comment by Maro 😍 جميل ❤️ 2020-08-09T03:42:31Z Comment by Hossam Ali عاااش 2020-08-02T22:34:14Z