قصيدة وحشتيني 2 عمرو حسن من حفلة البروچ by Kawther Darwish published on 2019-04-26T21:49:50Z غيابك طال وبوّختي في هزار بعدك انا بعدك عرفت اني ماليش بعدك كبر سني يا أول حاجه احوِّشها واشوفها بتتسرق مني ابص من الغياب ع الباب واقول بالوقت هتحني قعدت استني واتحوّلت لشطره ف غنوة الأطلال - غيابك طال - خصامنا مهما كان حاصل ماكنش ف بالي يقلب جد ومتطوّح لا عارف اغيب ولا بشكي اللي فيا لحد بقيت زاهد ومش مشغول ولا برحيل ولا بوصول وباسكت وامّا قلبي يقول يقول فينك ! ياريت كل اللي عارفينك .. قالولك اني بيكي بعيش ياريت كل اللي عارفينني .. سابوني ف شكي ويقيني وحشتيني رماني الشوق عليكي من يومين فايتين فتحت رسايلك السابقة من الآخر فضلت اقراها واطلع فوق اطلع فوق وكل ما تنتهي دمعه تسيل أخرى وكل ما تنتهي جملة يهِفّ الشوق - ما فيش داعي لكلام تاني ... لقيت منك مكالمة الصبح! في حاجة؟؟ - يا ريت لو شفتي رناتي تردي حتى برسالة - مالوش لازمة الكلام ده خلاص .. دي آخر مرة أقولهالك ما تتكلمش - خلاص مش طايقة مني كلام .! نقطة .. علامة إستفهام .. نقط أكتر .. تعجب .. نقطة .. واستفهام - انا عاوزك يا ريت تتصلي من فضلك فضلت أقرا .. فضلت أرجع .. شهور وايام .. شهور وايام كلام متقال كأنه النار في كومة قش رصاص طالع من الشاشة لقلبي الهش رجعت أكتر .. فضلت أرجع وفجأة لقيت كلام أجمل .. سلام أجمل ورود ووعود .. كلام في الحب وسنينه جُمل من أغنيات الست فضلت اقرا .. وكل ما أقلب التفاصيل .. تزيد سنوات على سنيني رسالة توّدي لرسالة أهو رجعتي تحبيني فضلت ارجع كذا فلاش باك وكل ما اراجع الأيام تروّح دمعتي لعيني فضلت أرجع .. لحد ما رحت للآخر وفي الآخر لقيت أول وحشتيني بحطة ايدك الناعمة أنا ما زلت و وزني زي ما هو لكنّي تقلت وبمشي لحد ما بنسى بإني وصلت طباعي ثابته ما اختلفتش برَّبي كلاب .. بسيب واتساب دوا المعدة تلات مرات بفوِّت مرتين منهم وكالعادة فيه كام موضوع بيرفض عقلي يحسمهم ورقمي زي ما هو وبرايا نقيض جوه وبفتكرك اذا بصيت بالليل من الشباك واقول هتفوت ياخدني بعدها سرحان .. يرد سكوت حبيبك كل يوم بيموت لكن واقف على رجليه وضِحكُه مع الصحاب طالع لكن برضه في شيء في عينيه لا بد الشيء ده يبقى سؤال رفضتي عليه تجاوبيني وحشتيني عشر مرات وانا بكتب وحشتيني ولو كان الزمن بقى غير ولو حتى الظروف صادّه وحشتيني ف رجوع الطير لعش اتهد من مدة بقيتي نشيدي وحكايتي .. وصمتي وصوتي ومرايتي بقيتي نهايتي وبدايتي .. ومعجزتي اللي جيت بيها جدع زيي مخبّي الدنيا في جيوبه لكن اشواقه ليكي تبان ومش عارف يخبيها لا عشت معاها يا قلبي ولا لك نبض بعديها بشوف نفسي في ظهر الباب براجع كل لوم وعتاب ومستني الزمن يصفى وبرد الأمنيات يدفى وتصفالي الظروف مرة وتنسي الدنيا وتجيني بقولك إيه وحشتيني. #وحشتيني_٢ Comment by Ebrahim3bdo1 🔊 2024-04-20T00:17:44Z Comment by Mahmooud Raafat 🔊 2024-04-19T16:18:14Z Comment by Fatma Seif El-Din 🔥 2024-04-18T22:58:28Z Comment by NONSH💪💪 🤘 2024-04-11T23:46:46Z Comment by Mai Hassan يا اول حاجه احوشها و أشوفها بتتسرق مني 2024-04-07T01:15:30Z Comment by Kero Anwar وحشتيني عشر مرات وانا بكتب وحشتيني 🥺❤️ 2024-03-12T00:58:46Z Comment by Mohab Jamal نفسي تسمحني بجد 💔💔💔 2024-02-27T20:03:40Z Comment by Hesham Soliman 💔 2024-02-11T14:14:29Z Comment by Ahmed Mahmoud om Younes 🖤 2023-12-18T21:24:17Z Comment by Nada Ammar 💕 ابص من الغياب عالباب واقول بالوقت هتحني 2023-10-16T12:34:53Z Comment by Nada Ammar 💕 يا اول حاجه احوشها واشوفها بتتسرق مني 2023-10-16T12:34:28Z Comment by Nada Ammar 💕 غيابك طال وبوختي في هزار بعدك 💚 2023-10-16T12:33:42Z Comment by Ab Do وحشتيني ❤️🫂 2023-06-11T02:01:32Z Comment by mostafa abdulla يا اول حاجه احوشها وتتسرق مني💔 2023-05-14T14:20:00Z Comment by Taha Ahmed فينك ! 💔 2023-02-02T07:11:22Z Comment by mariam Mohammed انا عمري ما بعدت انا جمبك دايما💖 2022-11-17T18:23:29Z Comment by Mahmoud Eltayeb غيابك طال . 2022-09-21T14:29:43Z Comment by Omar غيابها طااال 🥺 2022-09-13T20:22:53Z Comment by samah Yasser 💔💔💔 2022-08-14T14:55:52Z Comment by Mohamed Mounir وحشتيني 🫂💔🥲 2022-07-09T16:51:34Z Comment by Nour E. Mahmoud وحشتيني 2022-06-21T01:52:47Z Comment by Mostafa Fathy Elgarhy غيابك طااال 💔 2022-06-18T01:57:23Z Comment by yassin&💔💔 وحشتيني ♥️ 2022-05-20T17:52:11Z Comment by Moniem Allaban 💔 2022-05-18T09:41:53Z Comment by DecOo Oo وحشتيني اوي والله 2022-04-30T16:59:03Z Comment by اسماء منصور يأول حاجه احوشها واشفها بتتسرق مني💔 2022-04-09T20:12:57Z Comment by Hashim وحشتيني 💔 2022-03-27T20:50:37Z Comment by ﴾͜͡𝑨𝑳𝒀 𝑨𝑯𝑴𝑬𝑫͜͡﴿🖤 وحشتيني ولله ❤️🩹 2022-02-25T02:52:55Z